Qazaqstanda AÁK kórsetý tetikteri jetildiriledi
Ortalyq kommýnıkatsııalar qyzmetinde onlaın rejımde ótken halyqqa esep berý kezdesýi barysynda mınıstr AÁK kórsetý tetikterin odan ári jetildirý áleýmettik toptamany áleýmettik qyzmetter portalyna kóshirýdi, shartsyz aqshalaı kómek alýshylardy áleýmettik beıimdeý sharalarymen qamtýdy, ómirlik qıyn jaǵdaıdan shyqqanǵa deıin otbasyn súıemeldeýdi kózdeıtindigin aıtty.
«Prezıdenttiń tapsyrmasy boıynsha bizdiń mınıstrlik áleýmettik toptamany áleýmettik qyzmet kórsetý portalyna kóshirý boıynsha jumysty bastady. Alýshylar men jetkizýshiler biryńǵaı tsıfrlyq alańda tikeleı ózara is-qımyl jasaıdy. Alýshylar áleýmettik toptama jıyntyǵyndaǵy taýarlardy óz betinshe tańdaı alady», – dedi Birjan Nurymbetov.
Onyń aıtýynsha, ataýly áleýmettik kómekti jetildirýdiń kelesi kezeńinde zańnamaǵa shartsyz AÁK alýshylardy áleýmettik beıimdeý sharalarymen qamtý bóliginde ózgerister engizý josparlanýda. Bul áleýmettik kelisimshartqa qol qoımaǵan jáne obektıvti sebepter boıynsha jumyspen qamtý sharalarymen qamtý múmkin emes, biraq olarǵa ártúrli, onyń ishinde bilim berý, mádenı, medıtsınalyq, psıhologııalyq, quqyqtyq sıpattaǵy qyzmetter kórsetýdi qajet etetin adamdar.
«Barlyq otbasy músheleriniń densaýlyq skrınıngi, júkti áıelderdi mindetti túrde esepke qoıý, ómirlik qıyn jaǵdaıda psıhologtarǵa mindetti túrde barý, balalardy bilim berý mekemelerine tirkeý, balalardy tárbıeleý boıynsha qashyqtyqtan oqytý kýrstary buǵan mysal bola alady. Bul jumysty osyndaı otbasylardy ómirlik qıyn jaǵdaıdan shyǵarǵanǵa deıin súıemeldep júrýge arnalǵan áleýmettik qyzmetkerler qyzmetterin jańǵyrtýmen birge júrgizý qajet. Negizgi qural «Otbasynyń tsıfrlyq áleýmettik kartasy» aqparattyq júıesi bolady. Onyń pysyqtalǵan nusqasyn osy jyldyń kúzine deıin aıaqtaýdy josparlap otyrmyz. Otbasylardy ómirlik qıyn jaǵdaıdan shyǵarý boıynsha vedomstvoaralyq kómek barlyq múddeli memlekettik organdar men uıymdarǵa aqparattyq júıege qol jetkizý arqyly qamtamasyz etiledi», – dedi mınıstr.