Qazaqstanda 97 halyqaralyq, 45 ishki baǵyttaǵy áýe reısteri toqtap tur - IIDM

NUR-SULTAN. QazAqparat - QR Indýstrııa jáne ınfraqurylymdyq damý mınıstriniń mindetin atqarýshy Qaıyrbek Óskenbaev áýejaılardyń karantındegi jumys tártibin túsindirdi, dep habarlaıdy QazAqparat tilshisi.

Onyń aıtýynsha, memlekettik komıssııanyń sheshimimen qazirgi ýaqytta 97 halyqaralyq baǵyt boıynsha aptasyna 440 reıs jáne ishki reısterde 45 baǵyt boıynsha aptasyna 540 turaqty reıs toqtatyldy.

«Almaty men Nur-Sultan áýejaılary 1-13 sáýirge deıin jumysyn toqtatqan edi. Sodan keıin ushýǵa ruqsat berile me degen suraqtar kelip jatyr. Ol jaǵdaıǵa baılanysty bolady. Biz bas memlekettik sanıtar dárigerdiń sheshimin kútemiz. Bizdiń mınıstrlik sol taraptan buıryq alǵan soń áýejaıdy ashýǵa daıyn», - dedi Q. Óskenbaev Ortalyq kommýnıkatsııalar qyzmetinde ótken brıfıngte.

Onyń aıtýynsha, júk tasymaldaıtyn áýe kólikterine esh shekteý qoıylǵan joq.