Qazaqstanda 860 myń adam turaqty jumysqa zárý - B. Nurymbetov
Vıtse-mınıstr keltirgen málimetke qaraǵanda, resmı statıstıka boıynsha elimizde ekonomıkalyq belsendi halyq sany 8 mln. 907 myń adamdy quraıdy. Al jumyssyzdyq deńgeıi osy halyqtyń shamamen 5 paıyzyna teń. Sonyń ishinde jastar arasyndaǵy jumyssyzdyq - 4,3 paıyzdy, áıelder arasyndaǵy jumyssyzdyq - 5,6 paıyzǵa teń. «Absolıýtti mánde resmı statıstıka boıynsha bizde 444 myń jumyssyz jáne 419 myń adam ózin-ózi jumyspen qamtýdyń ónimdi emes sanatyna jatady. ıAǵnı, Qazaqstanda 2 mln. 228 adam ózin-ózi jumyspen qamtyǵandar bolsa, sonyń ishinde ónimdi emes sanattaǵylar da bar.
Qarapaıym túsinikti tilmen aıtsaq, bular: «ózin-ózi jumyspen qamtyǵan, alaıda tabysy kúnkóris deńgeıinen de tómen nemese olardyń qyzmeti men tabysy eshqaıda tirkelmegender» bolyp otyr», - deıdi vıtse-mınıstr. Onyń paıymynsha, dál osy sanattaǵylarǵa meılinshe nazar aýdaryp, osy baǵyttaǵy jumysty kúsheıtý ózekti bolyp tabylady. «ıAǵnı, shamamen 860 myń adam qazir bizde turaqty tabys kózi men turaqty jumysqa zárý degen sóz.
Biz barlyq tetikterdi, quraldardy qosa otyryp, jumyspen qamtýdyń keshendi jospary arqyly 417 myń adamdy sharalarǵa tartatyn bolamyz. 1 shildedegi jaǵdaı boıynsha, osyndaı sharalarmen 225 adam qamtyldy, bul biz josparlaǵan adamnyń 54 paıyzy», - dep túsindirdi.
Jalpy, jyl basynan beri «Jumyspen qamtý jol kartasy 2020» baǵdarlamasynyń ınfraqurylymdy jáne turǵyn úı-kommýnaldyq sharýashylyǵyn damytý arqyly jumyspen qamtýdy qamtamasyz etý baǵyty boıynsha 643 joba júzege asyrylyp, 9 myń 579 jumys orny ashylǵan. Al ekinshi - kásipkerlikti damytý arqyly jumys oryndaryn qurý jáne tirek aýyldaryn damytý baǵyty boıynsha shaǵyn nesıege 30,8 mlrd. teńge bólinip, 2 myń 871 adam nesıe aldy.
Baǵdarlamanyń oqytý, qaıta oqytý, kóshi-qon, jumysqa ornalasýǵa kómektesýdi qarastyratyn baǵyty aıasynda 4 myń 191 adam kásibı oqýmen qamtylyp, 11 myń 647 adam áleýmettik jumys oryndaryna ornalasty. Jastar praktıkasyna 8 myń 558 adam tartyldy.