Qazaqstanda 84 myńnan astam adam áleýmettik jelidegi radıkaldy toptardan shyǵaryldy
«Birinshi jartyjyldyqta áleýmettik jelilerde destrýktıvti toptarda tirkelgen 84 myńnan astam otandasymyzdy osy toptardan shyǵaryp aldyq. Bul – úlken kórsetkish. Sol toptarǵa bilip nemese bilmeı baıqaýsyzda ketip qalǵan azamattarymyz bar. Sol jumys nátıjesinde osyndaı kórsetkishge qol jetkizip otyrmyz», - dedi E. Núkejanov Ortalyq kommýnıkatsııalar qyzmetinde ótken baspasóz máslıhatynda.
Komıtet tóraǵasynyń aıtýynsha, jyldan-jylǵa elimizde destrýktıvti materıaldar sany da artyp keledi.
«Bıyl dinı ekstremızm men terrorızm ıdeıalaryn nasıhattaıtyn 80 myńnan astam materıaldy joıyp, 300-den astamyn materıaldy buǵattadyq. Degenmen bul máseleni tek shekteýmen sheshe almaıtynymyz anyq. Ol úshin medıa salasynda jumys isteıtin sapaly mamandardy daıarlap jatyrmyz, «SMART MEDIA» jobasy arqyly búginde 300-den astam maman medıabiliktiligin arttyrýda. Ózimiz de qosymsha aqparattar jarııalap otyrmyz. Byltyr osy kezeńge deıin 26 myń materıal jarııalasaq, bıyl – 62 myńnan astam materıal jarııaladyq», - dedi spıker.
Sońǵy júrgizilgen áleýmettik zertteýler qorytyndysy boıynsha, halyqtyń 87,6%-y din salasynda júrgizilip otyrǵan memlekettik saıasatty qoldaǵan.