Qazaqstanda 8 kún elektr stantsııasy salynady

ASTANA. QazAqparat - QR Energetıka vıtse-mınıstri Anatolıı Shkarýpa balamaly energııa kózderi jobalary boıynsha kúzgi aýktsıon nátıjelerin aıtyp berdi, dep habarlaıdy QazAqparat tilshisi.

«3-18 qazan kúnderi BEK jobalarynyń kúzgi aýktsıony ótti. Aýktsıon qorytyndysy boıynsha Almaty, Túrkistan, Qyzylorda jáne Jambyl oblystarynda jáne Shymkent qalasynyń mańynda jalpy qýaty 202 MVt bolatyn segiz kún elektr stantsııasy iske qosylady. Bul maqsatta 73 mlrd teńge ınvestıtsııalandy. Aldaǵy úsh jylda 22 mlrd teńgege Almaty jáne Jambyl oblystarynda úsh sý elektr stantsııasy turǵyzylady», - dedi Anatolıı Shkarýpa Úkimet úıinde ótken baspasóz máslıhatynda.

Onyń aıtýynsha, aýktsıondyq saýda-sattyq jergilikti jáne halyqaralyq qatysýshylardyń úlken qyzyǵýshylyǵyn týdyrǵan. Oǵan álemniń 9 elinen -  Qazaqstan, Qytaı, Reseı, Túrkııa, Frantsııa, Bolgarııa, Italııa, BAÁ, Nıderland Koroldiginen 113 kompanııa qatysqan.

Aýktsıondyq saýda-sattyq nátıjesinde balamaly energeııa kózderi boıynsha jalpy qýaty  858 MVt bolatyn 36 joba iriktelip alyndy. Ondaǵy 500 MVt - jel elektr tantsııalaryna, 270 MVt - kún elektr stantsııalaryna, 82 MVt - sý elektr stantsııalaryna jáne 5 MVt - bıoelektr stantsııalaryna tıesili.