Qazaqstanda 8-10 sáýirde qar jaýyp, qatqaq bolady

ASTANA. QazAqparat – «Qazgıdromet» RMK 2023 jyldyń 8-10 sáýirine aýa raıy boljamyn taratty, dep habarlaıdy QazAqparat.

«Atmosferalyq aýa aǵyndarynyń ótýine baılanysty Qazaqstannyń basym bóliginde kún qubylmaly bolady – jańbyr jaýyp, soltústikte, shyǵysta jaýyn-shashyn (jańbyr, qar) túsedi. 9 sáýirde ońtústik-batysta qatty jańbyr jaýyp, ońtústik-shyǵystaǵy taýly aýdandarda – qatty jaýyn-shashyn jaýady. 10 sáýirde ońtústikte qatty jańbyr jaýady. Respýblıka boıynsha jel soǵyp, tuman túsedi: ońtústik, batys óńirlerde shańdy daýyl soǵyp, kún kúrkireıdi; soltústikte, shyǵysta jáne ortalyqta kóktaıǵaq qaýpi bar. Batysta jáne ońtústik-shyǵysta 3 gradýs úsik júredi», - delingen sınoptıkterdiń habarlamasynda.