Qazaqstanda 78 qylmystyq-atqarý júıesi mekemesi jumys istep tur

<p>ASTANA. KAZINFORM &ndash; Sońǵy 4 jylda túrmedegi adamdardyń sany 7 myńǵa jýyq ósti. Bul bótenniń múlkin urlaý, otbasylyq-turmystyq zorlyq-zombylyq, mal urlyǵy jáne jol-kólik oqıǵalary salasyndaǵy zańnamanyń qatańdatylýyna baılanysty bolyp otyr. Bul týraly QR ІІM Qylmystyq-atqarý júıesi komıtetiniń tóraǵasy Teńizjan Jánibekov málim etti.</p>

«Búginde elimizde 78 qylmystyq-atqarý júıesi mekemesi jumys isteıdi, onda 37 myńnan astam sottalǵan jazasyn ótep jatyr, onyń 3 myńǵa jýyǵy áıelder jáne 50-den astam kámeletke tolmaǵandar. 93%-y aýyr jáne asa aýyr qylmystar úshin sottalǵan adamdar. Bul rette sottalǵandardyń 45%-y buryn qasaqana qylmys jasaǵany úshin sottalǵan adamdar», - dedi spıker OKQ alańynda ótken baspasóz konferentsııasynda.

Foto: OKQ

Onyń aıtýynsha, QAJK qoǵamnyń eń kúrdeli sanatymen jumys istep jatyr. Osyǵan qaramastan, mekemelerde jedel jaǵdaı turaqty jáne baqylaýda. Qamaýdaǵy ár adammen psıhologtar men mekemedegi ártúrli qyzmetter keshendi jumys júrgizedi.