Qazaqstanda 76 myńnan astam adam pnevmonııaǵa shaldyqqan

<p>ALMATY. KAZINFORM &ndash; Pnevmonııa &ndash; barlyq jastaǵy adamdar kezdesetin tynys alý joldary aýrýlarynyń biri. Kardıologııa jáne ishki aýrýlar ǵylymı-zertteý ınstıtýty pýlmonolog-dárigeri Aıda Jádildi aıtty.</p>

Aıtýynsha, eger ýaqytynda dıagnoz qoıylyp, terapııany keshiktirmeı bastasa pnevmonııany emdeýge bolady .

– Kúzgi - qysqy kezeńde jedel respıratorlyq ınfektsııalardyń, sonyń ishinde pnevmonııanyń damý qaýpi artady. Pnevmonııa – ókpeniń tynys alý joldarynyń oshaqty zaqymdanýymen sıpattalatyn jedel ınfektsııalyq aýrý. Aýrý negizinen jótel, qaqyryq, álsizdik, entigý belgilerimen qatar dene qyzýy joǵarylaýynan bastalady,– deıdi dáriger.

Pýlmonolog, patsıentterdiń keıbirinde, ásirese egde jastaǵy adamdarda pnevmonııaǵa tán shaǵymdar men fızıkalyq belgiler bolmaýy múmkin, ıntoksıkatsııa sındromy basym bolatynyn jetkizdi. ıAǵnı pnevmonııanyń A tıpti túri dene qyzýy kóterilmeı, qan kórsetkishterinde aıtarlyqtaı ózgeris bolmaı, ıntoksıkatsııa saldarynan bas aýrýy, bulshyqet nemese tamaq aýyryp, qurǵaq jótelmen qatar júredi.

– Eger ýaqytyly dıagnoz qoıyp, terapııany keshiktirmeı bastasa, pnevmonııa emdeledi. Pnevmonııa adamnyń densaýlyǵy men ómirine, ásirese osal sanattaǵy adamdarǵa áser etýi múmkin. Aldyn alý jáne ýaqytyly medıtsınalyq kómekke júginý asqynýlardyń aldyn alýǵa jáne ólim-jitim deńgeıin tómendetýge yqpal etedi, – Aıda Jádildi.

QR Densaýlyq saqtaý mınıstrliginiń málimetine sáıkes, 2024 jyldyń basynan 9 aı ishinde Qazaqstanda 76 myńnan astam jaǵdaı tirkelgen.