Qazaqstanda 7 myń jumyskerdiń jalaqy qaryzy 1,6 mlrd teńgege jetken
10:24, 06 Mamyr 2022
NUR-SULTAN. QazAqparat - Jyl basynan beri memlekettik eńbek ınspektorlary 4,8 myńnan astam jumyskerdiń quqyǵyn qorǵady, dep habarlaıdy QazAqparat.
1 mamyrdaǵy jaǵdaı boıynsha memlekettik eńbek ınspektorlary respýblıkanyń 333 kásipornynda 7 myń jumyskerdiń aldynda 1 mlrd 689 mln teńgeden astam somaǵa jalaqy bereshegin anyqtady.
Osy kásiporyn basshylaryna oryndalýy mindetti 204 nusqama berilip, 40 mln teńgeden astam somaǵa aıyppul salyndy.
Qabyldanǵan sharalar, sonyń ishinde jalaqy boıynsha bereshekti óteýdiń qatań kesteleri men merzimin belgileý nátıjesinde 4,8 myńnan astam jumyskerdiń quqyǵy qorǵaldy.
Olarǵa 1 mlrd 430,7 mln teńge tólendi.