Qazaqstanda 7 mamyrda ótetin mańyzdy sharalarǵa sholý
ASTANA
Saǵat 13:00-de qalalyq alańda Otan qorǵaýshy kúnine oraı merekelik kontsert bastalady.
Saǵat 19:00-de Astana qalasynyń 20 jyldyǵy aıasynda Jeńis kúni men Otan qorǵaýshy kúnine oraı «Qazaqstan» Ortalyq kontsert zalynda «Jeńis týy, jelbire!» atty qaıyrymdylyq kontserti bastalady. Oǵan belgili estrada juldyzdary men sımfonııalyq orkestr qatyspaq.
ALMATY
Saǵat 10:00-de Otan qorǵaýshy kúnine oraı Respýblıka saraıy aldyndaǵy Abaı alańynda buqaralyq serýen bastalady. Dál sol jerde 55 áskerge shaqyrylýshyny shyǵaryp salý sharasy ótkizilmek. Otar polıgonynan aýqymdy áskerı parad kórsetilip, odan keıin orkestrdiń qatysýymen kontsert uıymdastyrylady.
Saǵat 11:00-de «Rýhanı jańǵyrý» baǵdarlamasy aıasynda Jeńis kúnine oraılastyrylyp, avtojarys ótkiziledi. Avtojarysqa óziniń kólikterine Keńes Odaǵynyń batyrlary men frontta bolǵandardyń sýretin jarııalaǵan avtokólik ıeleri qatysady.
SOLTÚSTІK QAZAQSTAN OBLYSY
Saǵat 09:30-da Petropavl qalasynyń Teatralnyı alańynda Qarasaı men Aǵyntaı batyrlardyń memorıalyna gúl shoqtaryn qoıý rásimi ótkiziledi.
Saǵat 10:00-de Basty alańda Petropavl garnızonynyń saltanatty sapqa turýyn ótkizý kózdelgen. Dál osy jerde saǵat 12:10-da merekelik kontsert bastalady.
Saǵat 15:00-de Qazaq kúresinen «Qyzyljar Barysyn» anyqtaýǵa arnalǵan oblystyq týrnır ótkizilmek.
ShYǴYS QAZAQSTAN OBLYSY
Saǵat 10:00-den 15:00-ge deıin Ulan aýdanynda saltanatty sapqa turý men mıtıng ótkiziledi. Odan keıin Qasym Qaısenovtyń 100 jyldyǵyna arnalyp, saltanatty jıyn uıymdastyrylady.
Saǵat 10:00-de Óskemendegi Dańq Memorıalynyń aldynda Eskertkishter vahtasy ashylady.
Saǵat 11:00-de Qazaqstan Respýblıkasynyń Prezıdenti Nursultan Nazarbaevtyń qatysýymen ótetin paradty saltanatty túrde tamashalaý sharasy ótkizilmek.
OŃTÚSTІK QAZAQSTAN OBLYSY
Saǵat 10.00 -de Shymkent áskerı garnızonynda «Ashyq esik» kúni bastalady. Onda kelgender áskerı bólim jaýyngerleriniń tynys-tirshiligimen tanysýǵa múmkindik alady. Saltanatty sherý, sondaı-aq merekelik kontsert te josparlanǵan.
Saǵat 11.00-15.00 aralyǵynda qaladaǵy barlyq saıabaqta kópshilik serýender ótedi.
QOSTANAI OBLYSY
Saǵat 06:00-de Jeńistiń 73 jyldyǵynyń qurmetine 73 shaqyrymdyq velojarys ótedi. Velojarys Qobylandy batyr eskertkishinen bastalyp, Qostanaı qalasynyń aınalma joly arqyly Áýlıekól tas jolyna - odan keıin keri Jeńis saıabaǵyna deıingi qashyqtyqty qamtymaq.
Saǵat 10:00-de «Joldaǵy kómek» avtokólik birlestigi Jeńistiń 73 jyldyǵyna arnap, avtojarys ótkizedi.
JAMBYL OBLYSY
«Otar» áskerı bazasynda Otan qorǵaýshylar kúnine oraı Jaýyngerlik parad ótkiziledi.