Qazaqstanda 64,2 myń adam 42 500 teńge kóleminde kómek aldy
Memlekettik áleýmettik saqtandyrý qorynan tótenshe jaǵdaı kezinde tabysynan aıyrylýyna baılanysty 64 259 adam jańa áleýmettik tólemdi aldy.
2 sáýir saǵat 18:00-degi jaǵdaı boıynsha eGov.kz arqyly tabysynan aıyrylýyna baılanysty áleýmettik tólem taǵaıyndaý boıynsha 22 928 adam júgindi, onyń ishinde 3 438 adam tólemin aldy.
Sonymen qatar, Memlekettik áleýmettik saqtandyrý qory tótenshe jaǵdaıǵa baılanysty tabysynan aıyrylý boıynsha áleýmettik tólemderdi biryńǵaı jıyntyq tólemdi tóleýshi bolyp tabylatyn 60 821 adamǵa taǵaıyndady jáne aýdardy. Olardyń ishinen:
– Nur-Sultan q. – 1 521;
– Almaty q. – 3 500;
– Shymkent q. – 8 037;
– Aqmola – 2 299;
– Aqtóbe – 2 102;
– Almaty – 13 548;
– Atyraý – 9 29;
– ShQO – 3 435;
– Jambyl – 5 436;
– BQO – 1 230;
– Qaraǵandy – 2 195;
– Qostanaı – 1 886;
– Qyzylorda – 3 075;
– Mańǵystaý – 1 328;
- Pavlodar – 1 522;
– SQO – 2 457;
– Túrkistan – 6 321 adam.
Tólemdi taǵaıyndaý proaktıvti formatta, ıaǵnı azamattardyń ótinishinsiz júzege asyryldy. Tólemdi sońǵy 12 aıda keminde 1 ret BJT tólegen adamdar aldy.
Esterińizge sala keteıik, tótenshe jaǵdaılar kezinde tabysynan aıyrylý jaǵdaıyna baılanysty MÁSQ-tan áleýmettik tólem mólsheri bir adamǵa aıyna 42,5 myń teńgeni (eń tómengi jalaqy) quraıdy, ol kelesi sanattaǵy azamattarǵa taǵaıyndalady: - orta, shaǵyn jáne mıkrobıznes sýbektileriniń qyzmetkerleri; jeke kásipkerler; jeke praktıkamen aınalysatyn adamdar (notarıýs, jeke sot oryndaýshysy, advokat, kásibı medıator); biryńǵaı jıyntyq tólemdi tóleýshiler; nysanasy jumystardy oryndaý (qyzmetter kórsetý) bolyp tabylatyn azamattyq-quqyqtyq sıpattaǵy sharttar boıynsha tabys tabatyn, salyq agentteri olar úshin mindetti zeınetaqy jarnalaryn aýdarǵan adamdar; karantın engizilgen eldi mekenderdegi iri bıznes sýbektileriniń qyzmetkerleri.