Qazaqstanda 62 jyl turatyn káris ortalyǵynyń ókili: Búgin óte mańyzdy kún

AQTAÝ. QazAqparat - «Choson» káris etnomádenı birlestiginiń ókili, Qazaqstanda 62 jyl turyp kele jatqan Raısa Madenova Aqtaýdaǵy №22 saılaý ýchaskesinde daýys berdi, dep habarlaıdy QazAqparat tilshisi.

Raısa Madenovanyń jasy jetpiste. Qazaqstanda turyp jatqanyna bıyl 62 jyl. 47 jyl ustaz bolyp, 17 jyl Qazaqstan halqy Assambleıasynyń , Qazaqstan koreıler qaýymdastyǵynyń múshesi jáne jalpyulttyq medıator bolǵan. 16 jyl boıy Mańǵystaý oblysynyń «Choson» etnomádenı birlestigin basqarǵan.

Raısa Ivanovna ulty káris bolsa da, qazaq otbasynyń tútinin tútetip, urpaq tárbıeleýde.

«Men zeınetkermin. Qoǵamdyq jumystarǵa aralasýdy jaqsy kóremin. Búgin árbir Qazaqstannyń azamaty úshin óte mańyzdy kún. Biz beıbit, tynysh, kórkem ári myqty elde turýǵa laıyqpyz. Aqtaý qalasyndaǵy №22 saılaý ýchaskesine baryp, óz daýysymdy berdim. Kórshilerimdi kórip bir qýanyp qaldym», - dedi R.Madenova.