Qazaqstanda 600 myńǵa jýyq adam ońaltýdy qajet etetin aýrýlardan zardap shegedi

ASTANA. QazAqparat - Májilis depýtaty Ǵalymjan Eleýov medıtsınalyq ońaltý salasyndaǵy máselelerdi kóterip, Densaýlyq saqtaý mınıstrine depýtattyq saýal joldady, dep habarlaıdy QazAqparat.

Depýtattyń aıtýynsha, búginde 600 myńǵa jýyq adam ońaltýdy qajet etetin aýrýlardan zardap shegedi. Medıtsınalyq saqtandyrý júıesin engizýmen medıtsınalyq ońaltýdy qarjylandyrý 13 esege ósip, 2023 jyly 78 mlrd teńgeni qurady. Patsıentterdi medıtsınalyq ońaltý qyzmetimen qamtý 6 esege jýyq artty.

Ǵalymjan Eleýov atap ótkendeı, jetkizýshilerdiń 70 paıyzynda bilikti mamandar joq, kóptegen jetkizýshilerde qajetti jabdyq joq. Kilem, tarazy, dıvan, massaj - osylaısha bizde Ońaltý ortalyqtary ashylady. Al osy ortalyqtarda kim emdelip jatqanyn eshkim baqylamaıdy.

Foto: Májilistiń baspasóz qyzmeti

«Belgili bir ońaltý áleýeti joq, kóbinese eshqandaı kórsetkishteri joq patsıentter qabyldanady nemese tańdalady. Nelikten biz medıtsınalyq saqtandyrý aqshasyn ysyrap etýge jol beremiz? Medıtsınalyq saqtandyrý qory barlyq jumysyn shuǵyl túrde tsıfrlandyrýy kerek. Óıtkeni, halyq aqshasyn senip tapsyryp otyr» dedi Eleýov.

Osyǵan oraı, depýtat Densaýlyq saqtaý mınıstrliginen tıisti shara qoldanýdy surady.