Qazaqstanda 6-9 jas aralyǵyndaǵy balalardyń 21 paıyzy artyq salmaqpen júr

<p>ASTANA. KAZINFORM — Astanada ótip jatqan «Capital Health» tuńǵysh ulttyq forýmynda QR Qoǵamdyq tamaqtandyrý birlestiginiń tóraǵasy Veronıka Nurpeıisova balalardyń densaýlyǵy máselesine toqtaldy.</p>

Onyń aıtýynsha, elimizde 6 men 9 jas aralyǵyndaǵy qazaqstandyqtardyń 21 paıyzy artyq salmaqtan zardap shegedi.

0-den 14 jasqa deıingi balalarda as qorytý júıesiniń aýrýlary ekinshi orynda tur. 

Máseleni sheshý úshin DDSU sarapshylary búkil memleketterge balalar arasyndaǵy semizdikpen kúresýdi usynady.

Sonyń ishinde jemis-kókónistiń qoljetimdi bolýyn qamtamasyz etý jáne vıtamınızatsııalaýǵa basa mán berilýi mańyzdy.

«Qazir biz Densaýlyq saqtaý mınıstrligimen birge mektep jáne mektepke deıingi tamaqtaný standarttaryn qaıta qaraý jáne tehnologııalyq karta jasaý múmkindigin zerttep jatyrmyz. Úsh aımaqta mektep oqýshylarynyń tamaqtanýyn baǵalaý jumysy júrgizilip jatyr», — dedi V. Nurpeıisova.

Esterińizge salsaq, buǵan deıin byltyr Atyraý oblysynda 140 balaǵa semizdik dıagnozy qoıylǵanyn jazǵan edik.