Qazaqstanda 56 Nursultan Nazarbaev turady

NUR-SULTAN. QazAqparat - Bıyl Qazaqstanda Tuńǵysh Prezıdent Nursultan Nazarbaevtyń esimi 41 balaǵa qoıylǵan. Bul týraly QazAqparat Elorda Info saıtyna silteme jasap habarlaıdy.

QR UEM Statıstıka komıtetiniń aqparatyna sáıkes, Qazaqstanda Elbasynyń 18 076 attasy bar. Onyń 1 617-si Nur-Sultanda turady.

Belgili bolǵandaı, 2019 jyly 41 shaqalaqqa Nursultan esimi berilgen. 2015 jyly bul esimmen 205 búldirshin atalǵan. Biraq sońǵy bes jylda Tuńǵysh Prezıdenttiń attastary kúrt azaıǵan. Buǵan shamasy Elbasynyń 2015 jyldyń 29 sáýirindegi ınaýgratsııasy sebep bolǵan kórinedi. 2016 jyly týǵan balalardyń 136-syna ǵana Nursultan aty qoıylǵan. 2017 jyly – 104, 2018 jyly – 67. Al el astanasynyń ataýy ózgertilgeli beri Nursultandardyń qatary 28 adamǵa kóbeıgen.

Bir qyzyǵy, Qazaqstanda Elbasynyń esimi qyzdarǵa da berilgen. Respýblıkamyzda bes Nursultan jáne eki Nursultana esimdi qyz bala bar.

Statıstıkalyq málimetterge súıener bolsaq, Qazaqstanda aty-jóni Nursultan Nazarbaev bolyp jazylǵan 56 adam turady.