Qazaqstanda 517513 elektrondyq sandyq qoltańba berildi
Bul týraly «Ulttyq aqparattyq tehnologııalar» AQ Ashyq kiltter ınfraqurylymy departamentiniń dırektory Aıdos Súleımenov málim etti.
«Qazirgi tańda Qazaqstanda jeke jáne zańdy tulǵalar úshin 517513 elektrondyq sandyq qoltańba berildi. ESQ kómegimen kez kelgen azamat www.egov.kz «elektrondyq úkimet» portalynan memlekettik qyzmetterdi ala alady. Al zańdy tulǵalar nemese jeke kásipkerler www.goszakup.gov.kz portalynda elektrondyq memlekettik satyp alýlarǵa qatysýǵa tolyq quqyqqa ıe bolady», - dedi ol.
«Elektrondyq kommertsııa ortalyǵy» JShS Ádisteme departamentiniń dırektory Qýat Sultannyń atap ótýinshe, qazirgi ýaqytta Qazaqstanda ESQ berý tegin qyzmet bolyp otyr. Máselen, Reseıde elektrondyq qoltańba berý - aqyly. Atap aıtqanda, RF Baılanys mınıstrliginiń málimetterine sáıkes, elektrondyq qoltańbalar berýge tólenetin aqy 2 myńnan 10 myń rýblge deıingi aralyqta.
«Reseıde ESQ berý boıynsha qyzmet qunyn tómendetý týrasynda sóz bar. biraq ony tegin berý jaıynda áńgime qozǵalyp otyrǵan joq. Bul Qazaqstanda bıznes úshin aıtarlyqtaı jaqsy ekenin túsiný qajet. Qazirgi ýaqytta elektrondyq satyp alýlar júıesinde tegin jumys isteýge jáne elektrondyq sandyq qoltańbany paıdalanýǵa bolady», - dedi Q.Sultan.