Qazaqstanda 5 myń jas kásipkerge aqysyz onlaın kýrs ótkiziledi
Kýrstyń maqsaty - óz isin bastaǵysy keletin jastar úshin barlyq qajetti aqparatty bir sandyq alańǵa jınaý. Elimizdiń kez kelgen aımaǵynan 5 myńǵa jýyq adam onlaın rejımde bilim ala alady. Eń bastysy oqytý júıesi tegin.
Kýrsqa qatysqysy kelgen adam 22 qazanǵa deıin «Jas Kasipker» kýrsyn aıaqtap, bıznes-jospar qurý kerek. Ol úshin atameken.co platformasynda tirkelip, kýrs stýdentterine arnalǵan telegram chatqa jazylý kerek.
Aıta ketý kerek, «Jas Kasipker» onlaın-platformasy — «Bastaý Bıznes» dep atalatyn iri bilim berý jobasynyń bir bóligi.
Kýrs qazaq jáne orys tilderinde vıdeo sabaqtar formatynda ótedi. Onda 10 modýlden quralǵan 20 sabaq jáne onlaın tapsyrmalar bar. Sabaqtyń taqyryptary óte aýqymdy. Qatysýshylar suranysqa ıe bolatyn bıznes ıdeıalardy qalaı tabýǵa bolady, qarjylandyrýdy qaıdan tabasyz, marketıng pen menedjmenttiń negizderi, sondaı-aq, qarjylyq jáne quqyqtyq máselelerdiń barlyq erekshelikterin meńgeretin bolady. Kýrsqa sarapshy retinde «Atameken» ǵylymı-óndiristik kásipornynyń mamandary, Agrokredıt korporatsııasynyń, Aýyl sharýashylyǵyn qarjylaı qoldaý qorynyń jáne «Damý» kásipkerlikti damytý qorynyń menedjerleri tańdalǵan.
Kýrs aıaqtalǵannan keıin, qatysýshylar arasynda bıznes-josparlar baıqaýy ótedi. Bas júlde - 500 myń teńge. Sonymen qatar, eń kóp daýys jınaǵan úzdik bıznes-josparǵa syılyqtar oınatylady. Olar: bıznes-tálimgerden keńes alý, sizdiń jobańyzǵa arnalǵan jarnamalyq beınerolık, sizdiń bıznesińizge arnalǵan Landing page saıtyn jasaý, sondaı-aq, Brand book brend kitabyn qurastyrý.