Qazaqstanda 47 tabıǵı monopolııa sýbektisi tekserildi, áli 40 kommýnaldy kásiporyn bar - UEM

ASTANA. QazAqparat - Ulttyq ekonomıka mınıstrligi búkil el boıynsha kommýnaldyq kásiporyndardy tekserip jatyr, dep habarlaıdy QazAqparat.

Vedomstvo málimetinshe, bul jumys «Tarıfti ınvestıtsııaǵa aıyrbastaý» baǵdarlamasyn iske asyrý sheńberinde iske asady.

14-18 tamyz aralyǵynda 18 óńirde 29 tabıǵı monopolııa sýbektisi qamtyldy:

- Astana – «Astana-teplotranzıt» AQ;

- Almaty – «Almaty elektr jelileri» AQ;

- Almaty obl. – «Temirjolsý-Almaty» JShS;

- Aqtóbe oblysy – «Uly Borsyq» KMK, «Aqtobe su-energy group» AQ;

- Atyraý oblysy – «Atyraý jylý-elektr ortalyǵy» AQ;

- Qostanaı oblysy – «Zotobolsk JES» KMK, «EPK-forfait» JShS, «Qostanaı JES» MKK;

- Aqmola oblysy – «Kókshetaý Energo» JShS;

- Ulytaý oblysy – «Jylýmen jabdyqtaý kásiporny» AQ;

- BQO – «Batys Qazaqstan aımaqtyq elektrjelilik kompanııasy» JShS;

- SQO – «Soltústik Qazaqstan Elektrjelilik Taratý Kompanııasy» AQ;

- Abaı oblysy – «BESK» AQ;

- Mańǵystaý oblysy – «Kaspı jylý, sý arnasy» MKK;

- Qaraǵandy oblysy – «Teplotranzıt Qaraǵandy» JShS, «QAEK» JShS;

- ShQO ​ - «Teploenergııa» MKK, «Óskemen JEO» JShS, «Kúrshim» MKK, «Samar» MKK, «Óskemen jylý jelileri» AQ, «Altaı KomHoz Servıs» KMK;

-Pavlodar oblysy – «Pavlodar Energo» AQ, «Gorelektroset» JShS;

- Qyzylorda oblysy – «Qyzylorda Jylý elektr ortalyǵy» MKK;

- Jambyl oblysy – «Jambyl Jylý» MKK, «Tarazenergoortalyq» AQ;

- Túrkistan oblysy – «Ýranqýat» JShS.

Jalpy, 20 tamyzdaǵy jaǵdaı boıynsha 47 TMS tekserýmen qamtyldy.

Obektilerdi tekserý barysynda bekitilgen ınvestıtsııalyq baǵdarlama sharalarynyń ýaqytyly oryndalmaǵany anyqtaldy, ótkizilmegen konkýrstyq rásimder faktileri bar.

Bul faktiler jóndeý jumysy qunynyń qymbattaýyna ákeledi.

​Osyǵan baılanysty paıdalanylmaǵan qarajat tutynýshylarǵa tabıǵı monopolııalar sýbektilerine qatysty ýaqytsha ótemdik tarıfterdi engizý jolymen qaıtarylady.

Barlyq TMS-ke konkýrstyq rásimderdi aldyn ala júrgizý, sondaı-aq qabyldanǵan mindettemelerdi ýaqtyly jáne sapaly oryndaý qajet.

​Tabıǵı monopolııalardy retteý komıteti tamyz aıynda jergilikti atqarýshy organdarmen jáne qoǵam belsendilerimen birlesip taǵy 40 kommýnaldyq kásiporyndy tekseredi.