Qazaqstanda 39 qylmystyq toptyń zańsyz áreketteri toqtatyldy

NUR-SULTAN. QazAqparat – Qazaqstanda 39 qylmystyq toptyń zańsyz áreketteri toqtatyldy. QR Qarjy mınıstri Erulan Jamaýbaev Ekonomıkalyq tergeý qyzmeti jumysyn qaıta baǵdarlaýǵa qatysty túsinik berdi, dep habarlaıdy QazAqparat tilshisi.

«Sońǵy jyldyń ishinde 39 qylmystyq topty quryqtadyq. Sonymen qatar, alkogoldik ónimdi zańsyz daıarlaý boıynsha jasyryn 50 tsehtyń qyzmetine tosqaýyl qoıyldy. 746 zańsyz oıyn oryny men jalǵan aqsha basyp shyǵarǵan 5 tseh joıyldy», - dedi mınıstr Úkimet úıinde ótken baspasóz máslıhatynda.

Osy oraıda ol Memleket basshysynyń tapsyramasy aıasynda bul baǵyttaǵy jumystar kúsheıtiletinin atap ótti.

Budan buryn habarlanǵandaı, E. Jamaýbaev Ekonomıkalyq tergeý qyzmetiniń jumysyna qatysty túsinik bergen edi.

Aıta keteıik, Prezıdent Qasym-Jomart Toqaevtyń Joldaýynda Ekonomıkalyq tergeý qyzmetiniń jumysyn kóleńkeli ekonomıkamen kúreske qaıta baǵdarlaýdy tapsyrǵan bolatyn.