Qazaqstanda 30 jylda 1,5 mln adam baspanaly boldy

NUR-SULTAN. QazAqparat - Qazaqstanda sońǵy 30 jylda 169 mln sharshy metrden astam jańa turǵyn úı salynyp, 1,5 mln adam baspana jaǵdaıyn jaqsartty. Bul týraly QR Indýstrııa jáne ınfraqurylymdyq damý mınıstrliginen málim etti, dep habarlaıdy QazAqparat.

Turǵyn úımen qamtamasyz etý kólemi 18 jyldyń ishinde bir turǵynǵa shaqqanda 34% artyp, 21,9 sharshy metrge jetti.

«Nurly jer» memlekettik turǵyn úı qurylysy baǵdarlamasyn iske asyrý bastalǵaly (2017-2020 jyldar) 52 mln sharshy metr turǵyn úı nemese 470 myń baspana salyndy.

Turǵyn úı qurylysyna 3,6 trıllıonnan astam qarajat tartyldy. Onyń ishinde 864 mlrd teńge – memlekettik ınvestıtsııa. Al jeke ınvestıtsııa memlekettik qarajattan 6 ese artyq boldy.

Bıyl elimiz boıynsha 17 mln sharshy metr turǵyn úı (163,1 myń baspana ) salý josparlanyp otyr.

«Budan bólek, turǵyndardyń ómirin jaıly etý maqsatynda sýmen jabdyqtaý jáne sý burý júıelerin damytý, turǵyn úı-kommýnaldyq sektordy jáne turǵyn úı qoryn jańǵyrtý boıynsha 132,9 mlrd teńgege 572 joba iske asyrylyp, 8 myńnan astam jumys orny ashyldy», - delingen mınıstrlik aqparatynda.