Qazaqstanda 30 sáýirde ótetin mańyzdy sharalarǵa sholý
NUR-SULTAN
Saǵat 09.30-da «Hilton Garden Inn» qonaq úıinde Qazaqstan Respýblıkasynyń Bilim jáne ǵylym mınıstrligi Birikken Ulttar Uıymynyń Balalar qorymen (ıÝNISEF) birlesip, «Balalarǵa arnalǵan ádilet: qatynastar men qyzmetterdi jetildirý» taqyrybynda jıyn ótkizedi.
Saǵat 10.00-de jergilikti atqarýshy organdardyń barlyq óńirlerdegi ókilderi Nur-Sultan qalasy ákimdiginiń Qalalyq iKOMEK109 monıtorıng jáne jedel áreket etý ortalyǵyna keledi.
Saǵat 10.30-da Ritz-Carlton qonaq úıinde «Kóptildi álemdegi orys sózi» atty orys tili men ádebıeti muǵalimderiniń halyqaralyq qaýymdastyǵynyń XIV sezi bastalady.
Saǵat 11.00-de «Samruk-Aqparat» baspasóz ortalyǵynda «Medıtsınalyq poıyzdar» jobasynyń bastalýyna oraı baspasóz konferentsııasy ótedi.
Saǵat 11.00-de Aqmola oblysy Tselınograd aýdany Qosshy aýylynda Ekinshi dúnıejúzilik soǵystaǵy Jeńistiń 74 jyldyǵyna oraı «Otan úshin soǵysqan» erlik saǵaty ótedi.
Saǵat 12.00-de Sputnik Kazahstan mýltımedııalyq baspasóz ortalyǵynda «Jasyl ofıs» jobasynyń bastalýy týraly» baspasóz brıfıngi ótedi.
Saǵat 12.00-de «Radisson» qonaqúıinde Qazaqstan Respýblıkasy Prezıdentiniń Bes áleýmettik bastamasynyń júzege asý barysyn qadaǵalaıtyn Qoǵamdyq keńestiń jıyny ótedi.
Saǵat 12.00-de Qazaqstan Respýblıkasy Tuńǵysh Prezıdenti - Elbasy kitaphanasynda Sankt-Peterbýrg memlekettik teatr jáne mýzykalyq óneri mýzeıiniń qorynan «Qursaýda qalǵan vıolonchel» kórmesiniń ashylý saltanaty ótedi.
Saǵat 13.00-de eki memlekettiń Bilim jáne ǵylym mınıstrlikteri arasyndaǵy ózara túsinistik pen yntymaqtastyq týraly memorandýmǵa qol qoıý rásimi, sondaı-aq eki el Syrtqy ister mınıstrleriniń BAQ ókilderine arnalǵan brıfıng uıymdastyrylady.
Saǵat 13.30-de Horvatııanyń Qazaqstandaǵy Elshiliginiń ashylý rásimi (Nur-Sultan q., Kosmonavtov kóshesi, 62) bastalady.
Saǵat 15.00-de Qazaqstan Respýblıkasy Qarýly Kúshteriniń Ulttyq áskerı-patrıottyq ortalyǵynda Jastar jylyna oraı jáne Qazaqstan halqy birligi kúnine oraı, Maýsymashar formatynda «Jas sarbaz» jasóspirimder áskerı-patrıottyq qozǵalysy Respýblıkalyq qoǵamdyq birlestigi Nur-Sultan qalalyq fılıalynyń uıymdastyrýymen arnaıy mamandandyrylǵan «Jas sarbaz» synyptarynyń tárbıelenýshileri arasynda «Jaıdarly Jas sarbaz» Jaıdarman oıyndary ótkiziledi.
Saǵat 15.00-de «Advokattar ádil saılaý úshin» ÚEU keńsesinde Qazaqstan Respýblıkasy Prezıdentiniń saılaýǵa úmitkerlerdi usynýdy aıaqtaýǵa arnalǵan baspasóz máslıhaty ótkizildi.
Saǵat 15.00-de «Nur Otan» partııasynyń Ortalyq apparatynda #NurOtan Pikir pikirtalas alańynyń kezekti otyrysy ótedi.
Saǵat 19.00-de The Ritz Carlton Astana qonaq úıinde Jánııa Áýbákirovamen kezdesý ótedi. Kezdesý barysynda ataqty pıanıstiń «Varıatsıı na temý...» atty kitabynyń tusaýkeseri ótedi.