Qazaqstanda 30 myń dollarǵa balalarǵa arnalǵan sportkar satylýda
09:44, 23 Qańtar 2017
ASTANA. QazAqparat - Qazaqstanda balalarǵa arnalǵan sporttyq mashına satylymǵa shyǵaryldy, ol frantsýzdyq Bugatti Veyron kóliginiń shaǵyn kóshirmesi bolyp tabylady, dep habarlaıdy QazAqparat.
Rokatim.ru saıtynyń jazýynsha, ınternette satylymǵa shyǵarylǵan balalarǵa arnalǵan sportkardyń uzyndyǵy 3,5 metrdi quraıdy. Ol boıy 120-150 santımetrden aspaıtyn balalarǵa arnalǵan. Bugatti Veyron-nyń shaǵyn kopııasy 500-kýbtyq ishten janý qozǵaltqyshynyń kómegimen iske qosylady. Onyń barynsha joǵary jyldamdyǵy saǵatyna 90 shaqyrymdy quraıdy.
Onymen qosa, joǵary kóteriletin esikteri men Pioneer aýdıojúıesi nazar aýdartady. Taza bylǵarymen qaptalǵan kólik salonynyń ishinde 4 deńgeıli qaýipsizdik beldikteri bar. Qazirgi ýaqytta kóliktiń baǵasy 30 myń dollarǵa baǵalanyp otyr.
Foto ©atc-tuning.kz