Qazaqstanda 3,8 mln astam jeńil kólik tirkelgen – statıstıka

NUR-SULTAN. QazAqparat - 2021 jylǵy qańtar-sáýir aılary aralyǵynda Qazaqstanda 288 055 jeńil avtomobıl tirkeldi. Bul, 2020 jyldyń tıisti kezeńimen salystyrǵanda 32,4% kóp, dep habarlaıdy QazAqparat.

QR Strategııalyq josparlaý jáne reformalar agenttiginiń aqparatyna sáıkes, 2021 jylǵy 1 mamyrdaǵy jaǵdaı boıynsha, elimizde tirkelgen jeńil avtomobılderdiń jalpy sany 3828,5 myńdy quraıdy.

Sondaı-aq vedomstvodan málim etkendeı, jyldyń alǵashqy tórt aıynda el óńirlerinde 3677 jol-kólik oqıǵasy bolyp, 5431 adam zardap shekken. Ótken jylǵy osyndaı kezeńmen salystyrǵanda apattylyq 10,3% azaıdy.

«2021 jylǵy 1 mamyrdaǵy jaǵdaı boıynsha, kólik quraldary ıeleriniń azamattyq-quqyqtyq jaýapkershiligin mindetti saqtandyrý boıynsha saqtandyrý uıymdary 12,2 mlrd teńge somasynda 27788 saqtandyrý tólemin júzege asyrdy», - delingen Ulttyq statıstıka bıýrosynyń aqparatynda.

Aıta keteıik, 15 maýsym kúni ótken Úkimet otyrysynda QR Ekologııa, geologııa jáne tabıǵı resýrstar mınıstri Maǵzum Myrzaǵalıev Qazaqstanda búgingi kúni 3,9 mln kólik tirkelgenin jáne olardyń 64 paıyzynyń paıdalaný merzimi 10 jyldan asqanyn málim etken bolatyn.