Qazaqstanda 285 eldi mekende sý tasqyny qaýpi saqtalyp otyr
«Temperatýranyń kóterilýiniń álemdik úrdisine baılanysty álemdegi sý tasqyny sany 6% artty. Búgingi tańda bizdiń negizgi mindetimiz - adamdardyń qurban bolýyna jol bermeý jáne eldi mekenderdi sý basý qaýpin barynsha azaıtý. Biz tótenshe jaǵdaılardyń aldyn alý jáne olardy joıý is-sharalarynyń úılestirýshisi retinde jyl saıyn vedomstvoaralyq komıssııanyń otyrystarynda respýblıkalyq jáne oblystyq deńgeılerde, sondaı-aq Úkimettiń, Qaýipsizdik Keńesiniń otyrystarynda sý tasqynyna daıyndyq máselelerin qaraımyz. Aýmaqtardy qorǵaý jónindegi is-sharalardy uıymdastyrý jergilikti atqarýshy organdardyń quzyretine jatatynyn atap ótkim keledi. Sý tasqynyna qarsy is-sharalar óńirlerdi damytý josparly qujatynda kózdeledi. 2017 jyldan bastap Tótenshe jaǵdaılar mınıstrligi ázirleıtin sý tasqynyna qarsy is-sharalardyń jol kartasyn iske asyrý tıimdiligin kórsetip otyr, elimiz boıynsha sý tasqyny qaýpi bar 1 010 eldi meken qamtyldy», - dedi ıÝ. Ilın.
Onyń aıtýynsha, ózen jaǵalaýyn nyǵaıtý, arnalaryn, kanaldar men aryqtardy tazartý, qorǵanysh bógenderi men gıdrotehnıkalyq qurylystardy salý jáne jóndeý, jergilikti qulaqtandyrý júıelerin ornatý sharalary sý basý qaýpin kezeń-kezeńimen azaıtýǵa múmkindik berdi.
«Máselen, 180 myńnan astam halqy bar 340 eldi mekenge qatysty (33,6%) qaýip-qater joıyldy jáne 231 myńnan astam halqy bar 385 (38,1%) eldi mekenen qaýip-qater barynsha azaıtyldy. 285 eldi meken (431 myńnan astam halqy bar) úshin sý basýdyń yqtımal qaýpi saqtalýda, olardyń 132-si buryn kartamen kózdelgen joq (ákimdiktermen qosylmaǵan). Osyǵan baılanysty ákimdiktermen birlesip sý tasqyny qaýpi bar eldi mekenderdiń tizbesine túzetý engizý josparlanyp otyr. Ol jańa qaýipti ýchaskelermen tolyqtyrylady», - dedi mınıstr.
Aıta keteıik, jaqynda Batys Qazaqstanda sý tasqyny qaýpi tóngen aýyldan turǵyndar kóshirildi.
Sonymen qatar bıyl sáýirde Aqmola oblysynyń bes aýdanynda sý tasqyny qaýpi joıyldy.