Qazaqstanda 28 sý qoımasy salynady
«Memleket basshysy ótken jyldyń qyrkúıek aıyndaǵy Qazaqstan halqyna Joldaýynda sýarmaly jerlerdiń kólemin 3 mln gektarǵa jetkizýdi tapsyrdy. Osyǵan baılanysty jańa sý qoımalaryn salý arqyly qosymsha sýarý kózderin qurý qajet. 2030 jylǵa deıin Aqmola, Aqtóbe, Qaraǵandy, Jambyl, Túrkistan, Qyzylorda, Shyǵys Qazaqstan jáne Batys Qazaqstan oblystarynda 28 sý qoımasynyń salynýy kózdelip otyr», - dedi mınıstr.
Osy sý qoımalary 3,8 tekshe shaqyrym kólemindegi sýdy jınaýǵa múmkindik beredi jáne oǵan 470 myń gektar sýarmaly jerdi qosýǵa bolady. 12 sý qoımasyn tek sýarý úshin ǵana emes, sonymen qatar, 70 eldi mekendegi sý basý qaýpin joıý úshin de paıdalanýǵa bolady.
«Sý qoımalarynyń qurylysy aıaqtalǵannan keıin aýyl sharýashylyǵynda jańadan turaqty 29 myń jumys ornyn iske qosý múmkindigi bolady», - dedi M. Myrzaǵalıev.