Qazaqstanda 26 mln uıaly baılanys abonenti tirkelgen - Statıstıka

<p>ASTANA. KAZINFORM - Ulttyq statıstıka bıýrosy uıaly baılanys abonentteriniń sanyna qatysty derekti jarııalady.</p>

«2024 jylǵy 1 qarashaǵa Qazaqstanda 26 mln uıaly baılanys abonenti tirkelgen, bul ótken jyldyń sáıkes kezeńimen salystyrǵanda 3,6% kóp.

Abonentterdiń jalpy sanynyń 18,7 mln-y ınternetke qosylǵan, bir jyldaǵy ósim — 4,8%.

Uıaly baılanys abonentteriniń tyǵyzdyǵy 100 adamǵa shaqqanda 129 birlikti qurady, onyń ishinde 93 abonent ınternet jelisine qosylǵan», — dep jazdy statbıýrodan.

2024 jylǵy qańtar-qazan aralyǵynda uıaly baılanys salasynda kórsetilgen qyzmetterdiń kólemi 191,3 mlrd teńgege jetken, bul ótken jyldyń sáıkes kezeńimen salystyrǵanda 14,4% tómen.

Derekke qaraǵanda, bıylǵy 10 aı ishindegi jalpy baılanys salasyndaǵy qyzmetter kólemi 1,1 trln teńgege jetti, onyń ishinde 52,5% ınternet qyzmetterine tıesili.

Osyǵan deıin Activ jáne Kcell uıaly baılanysynan aqaý shyqqanyn jazdyq.