Qazaqstanda 250 oqýshy UBT-ny aǵylshyn tilinde tapsyrady

ASTANA. QazAqparat - QR Bilim jáne ǵylym mınıstri Erlan Saǵadıev Ulttyq biryńǵaı testileýdi tapsyrýdaǵy sońǵy jańalyqtardy aıtyp berdi, dep habarlaıdy QazAqparat tilshisi.

«Biz grantty alý kezinde oqýa túsetinder úshin teń jaǵdaıdy qamtamasyz etýge ýáde bergen bolatynbyz. Óz sózimizde turdyq. Endi «Altyn belgi» ıegeri ózge de mektep túlekterimen baldary teń bolǵan jaǵdaıda ǵana basymdyqty quqyqqa ıe. Jalpy, UBT-ny tapsyrý formaty burynǵysynsha qalady. Tek qana suraqtardyń eleýli kólemi aýysty. Byltyr suraqtardyń 25 paıyzyn aýystyrǵan edik, bıyl taǵy da 25 paıyzy ózgerdi», - dedi mınıstr Ortalyq kommýnıkatsııalar qyzmetindegi baspasóz máslıhatynda.

Sonymen qatar E. Saǵadıev aǵymdaǵy jyly UBT-ny aǵylshyn tilinde tapsyrý múmkindigi engizilgenin eske salyp ótti.

«250-ge jýyq adam alǵash ret UBT-ny aǵylshyn tilinde tapsyrady dep kútilýde. Dál sol suraqtar engiziledi, eshqandaı jeńildik berilmeıdi. ıAǵnı bul oqýshylardyń ózderiniń nıeti boıynsha jasalyp otyr», - dedi mınıstr.