Qazaqstanda 245 myń jasóspirim tolyq vaktsınalandy

NUR-SULTAN. QazAqparat – Ortalyq kommýnıkatsııalar qyzmetinde ótken brıfıngide balalarǵa ekpe salý jumystary baıandaldy, dep habarlaıdy QazAqparat tilshisi.

«Búgingi kúnge deıin 12-18 jastaǵy balalar arasynda 448 994 adam Pfizer vaktsınasynyń birinshi dozasyn aldy. Bul paıyzdyq deńgeıde 35,2%-dy kórsetip otyr. Al vaktsınanyń ekinshi komponentin 245 411 jasóspirim aldy, bul 19,3 paıyzdy qurap otyr. Mektepter, ınternattar, balalar úıi sekildi nysandar bólinisine kelsek, statıstıkalyq málimetter jekeleı júrgizilmeıdi», - QR DSM sanıtarlyq-epıdemıologııalyq baqylaý komıtetiniń vaktsınamen basqarylatyn ınfektsııalardy baqylaý basqarmasynyń basshysy Nurshaı Ázimbaeva.

Aıta keteıik, Qazaqstanda Pfizer vaktsınasy medıtsınalyq qyzmetkerlerge, balalarǵa, júkti jáne bala emizetin áıelderge jáne 60-tan asqan turǵyndarǵa tegin salynady.

Buǵan deıin QR DSM sanıtarlyq-epıdemıologııalyq baqylaý komıtetiniń tóraǵasy Aıjan Esmaǵambetova Pfizer vaktsınasy nelikten aqyly túrde salynbaıtynyn túsindirgen edi.