Qazaqstanda 240 dıirmenniń 170-i jumys istep tur
«Qazaqstanda 240-qa jýyq un tartatyn kásiporyn bar. Sonyń ishinde 170-si jumys istep tur. Jalpy, ishki naryqta Reseı bıdaıyn tutynyp, óńdep júrgen dıirmender negizinen shekaralas aımaqtarda ornalasqan, atap aıtqanda, SQO, BQO, Pavlodar oblysyndaǵy dıirmender. Munyń da óz sebepteri bar. Іshki naryqta soltústikten batysqa bıdaı tasymaldaý shyǵyndarynyń nemese Reseıden ákelý shyǵyndarynyń arasyndaǵy aıyrmashylyq óte úlken. Atalǵan óńirlerde shamamen 45-50 jýyq un tartatyn kásiporyn bar. Solardyń jartysyna jýyǵy reseılik ónimmen jumys istedi. Qazirgi kezde Reseıde qoıylǵan qoıylǵan shekteýge baılanysty un tartý kásiporyndary ishki naryqtan bıdaı satyp alýǵa májbúr bolyp otyr», - dedi spıker Ortalyq kommýnıkatsııalar qyzmetinde ótken baspasóz máslıhatynda.
Onyń aıtýynsha, dıirmender jumysy aldaǵy ýaqytta toqtap qalmaıdy.
«Ótinim bergen jaǵdaıda, Azyq-túlik kelisimshart korporatsııasy arzandatylǵan bıdaıdy óńirlerge aparyp, tartyp, jekelegen oblysqa qajetti kólemde un óndirýge qaýqarly. Munda baǵadan basqa kedergi joq. Bizdiń dıirmender transporttyq jáne logıstıkalyq negizdemeler boıynsha ǵana Reseıdiń bıdaıyn osy kezge deıin tartyp otyrdy», - dedi N. Hatepova.
Buǵan deıin Astyq óńdeýshiler odaǵy elimizde bir jarym aptaǵa ǵana jeterlik bıdaı qory qalǵanyn málimdegen edi. Astyq ósirýshiler men óńdeýshiler bıdaıdy bólise almaı daý týǵany, bıdaı taýsylsa barlyq dıirmender jumysyn toqtatýǵa májbúr ekeni aıtylǵan edi.
Óz kezeginde Aıdarbek Saparov elde eshqandaı astyq tapshylyǵy joq ekenin málimdedi. 1 sáýirdegi jaǵdaı boıynsha respýblıkada 6,4 mln tonna astyq bolǵan.
7 sáýirdegi jaǵdaı boıynsha eldegi un qory 118 myń tonnaǵa jetedi, onyń ishinde: turaqtandyrý qorlarynda - 10,4 myń tonna, «aınalym shemasy» aıasynda – 22 myń tonna, óndirýshilerde – 48,6 myń tonna, qoımalarda – shamamen 20 myń tonna jáne saýda obektilerinde – 18 myń tonna bar. Atalǵan kólem ishki qajettilikti qamtamasyz etýge tolyq jetkilikti.