Qazaqstanda 239 jańa mamandyq paıda bolady – Eraly Toǵjanov
«Búginde tájirıbesi jáne tańdaǵan mamandyǵyna suranystyń azdyǵynan jastardyń jumysqa ornalasý múmkindigi shektelip otyr. Bul máseleni ózderińiz de kóterip júrsizder. Buǵan qosa Qazaqstanda 129 mamandyq joıylyp barady, 95-i transformatsııalanýda, 239 jańa mamandyq paıda bolady. Osyǵan oraı, halyqaralyq tájirıbege sáıkes jumysqa turýdyń tıimdi joly retinde, Pavlodar oblysynyń 15 kolledji bazasynda Jańa kásipter atlasy ázirlenip, tájirıbeden ótti», - dedi E. Toǵjanov.
Onyń aıtýynsha, sonyń nátıjesinde kadrlarǵa qajettiliktiń 17 óńirlik kartasy ázirlenip, qoldanysqa engiziledi. Sondaı-aq mektepterde 7 synyptan bastap mamandyq tańdaýǵa baýlıtyn «pedagog-kásiptik baǵdar berýshi» mamany engiziledi. Bul jumystarǵa depýtat Saıasat Nurbek jetekshilik etetin bolady.
«Sonymen qatar kolledjder janynan stýdentterge tájirıbe jınaqtaýǵa múmkindik beretin 100 shaǵyn kásiporyn qurylmaq. Osyndaı tásil sátti iske asqan Aqtóbe qalasyndaǵy Ekonomıka, bıznes jáne quqyq kolledjiniń 188 stýdentiniń 144-i oqýyn oqı júrip jumysqa ornalasty. Alǵash ret joǵary oqý oryndarynda stýdentterdiń mamandyǵy boıynsha jumysqa ornalasýyna járdemdesetin 100-den asa Kareralyq ortalyq qurylady», - dedi Úkimet basshysynyń orynbasary.
Budan buryn habarlanǵandaı, Joǵary oqý oryndaryna beriletin granttar sany 75 myńǵa deıin ulǵaıtylady. Onyń ishinde tehnıkalyq jáne ІT salalarǵa granttar 60%-ǵa deıin ósedi.
Aıta keteıik, búgin Májilistiń jalpy otyrysynda óńirlerge shyǵý barysynda Qazaqstan Respýblıkasy Parlamenti Májilisiniń depýtattaryna kelip túsken azamattardyń ótinishterin memlekettik organdardyń qaraý nátıjeleri talqylanyp jatyr. Depýtattardyń óńirlerge saparlary barysynda kóterilgen eki myńǵa jýyq suraqtar Úkimet tarapynan jan-jaqty saraptalyp, qaraldy.