Qazaqstanda 23 myńnan astam úkimettik emes uıym bar
«Búgin búkil álem Dúnıejúzilik úkimettik emes uıymdar kúnin atap ótýde. Qazaqstanda úkimettik emes sektor áleýmettik máselelerdi sheshý men azamattyq bastamalardy jandandyrýda memlekettiń senimdi seriktesi bolyp keledi. Memleket basshysy ÚEU rólin erekshe atap kórsetken. Ózderińiz bilesizder, olar halyqtyń ómir súrý sapasyn jaqsartý men azamattyq qoǵamnyń rólin kúsheıtýde mańyzdy ról atqarady. Qazir elimizde úkimettik emes uıymdardy memlekettik qoldaý tetikteri qalyptasty. Atap aıtsaq, memlekettik áleýmettik tapsyrys, granttyq qarjylandyrý jáne marapattaý. Qazir 23 myńnan astam ÚEU bar, onyń 18 myńy belsendi jumys isteıdi», - dep jazdy A. Balaeva áleýmettik jelidegi paraqshasynda.
Sonymen qatar mınıstr qoǵamdyq birlestikter men qoǵamdyq keńester týraly zańnamaǵa túzetýler engizilgenin eske saldy.
«Memlekettiń damýynyń negizgi resýrsy - adamı kapıtal, onyń áleýeti men damýy, ıaǵnı áleýmettik kapıtal. Azamattarǵa ınvestıtsııa sala otyryp, árkim áleýmettik mindetterin júzege asyrýǵa óz úlesin qosatyn kúshti jáne damyǵan qoǵam qalyptastyramyz.Qoǵamdaǵy áleýmettik máselelerdi sheshýde úlken ról atqaratyn azamattyq belsendilerdi Halyqaralyq úkimettik emes uıymdar kúnimen quttyqtaý men úshin úlken mártebe! Azamattyq qoǵam jaýapty, berekeli bolsyn! Elimizdegi azamattyq qoǵamdy damytýdaǵy mańyzdy jáne negizgi mindetterdi júzege asyrýda barshańyzǵa sáttilik, shyǵarmashylyq tabys, jáne kásibı belsendilik tileımin!», - dedi Aıda Balaeva.