Qazaqstanda 220 myń avtokólik zańdastyryldy – QR ІІM
Kólikke qandaı talap qoıyldy
Qazaqstanda 2022 jyldyń 1 qyrkúıegine deıin elge zańsyz ákelingen kólik quraldaryn zańdastyrý bıyl 23 qańtar - 1 shilde aralyǵynda júrgizildi.
Al ótinimdi ýaqytyly bergen jáne belgilengen merzimde avtomobılderdi zańdastyryp úlgermegen azamattarǵa olardy zańdastyrý quqyǵy 1 shildeden keıin de berilgen.
«Búgingi tańda barlyǵy 220 myńnan astam avtokólik zańdastyryldy. Zańdastyrý kezinde Memleket basshysynyń Joldaýynda belgilengen talaptardy naqty basshylyqqa alyp otyrdyq. ıAǵnı, 2022 jylǵy 1 qyrkúıekke deıin ákelingen, qylmystyq izdeýde bolmaǵan jáne kedendik rásimdeýden ótken avtokólikter zańdastyryldy», - dedi Q. Sultanbaev Ortalyq kommýnıkatsııalar qyzmetinde.
Zańdastyrýda qandaı máseleler týyndady
Spıkerdiń aıtýynsha, zańdastyrý barysynda birneshe probelmalar anyqtalyp, múmkindiginshe sheshilip otyrdy.
«Mysaly, qosalqy bólshekter túrinde ákelingen, elden tys jerlerge ıelikten shyǵarý jáne áketý quqyǵynsyz avtomobılderdi qazaqstandyq esepke qoıýǵa ruqsat etildi. Mundaı 17 myń avtokonstrýktor tirkelgen.Ekinshiden, EAEO elderinde esepten shyǵarylmaǵan avtomobılder úshin, onyń ishinde shekteýlerge baılanysty zańdastyrý úshin, biraq olardy keri áketý ne zańdastyrý sharttarynda bastapqy tirkeýden ótý týraly mindettemesimen, basqa elde burynǵy tirkelgen jeri boıynsha esepten shyǵarylǵan jaǵdaıda 5 jylǵa ýaqytsha esepke qoıý arqyly zańdastyrý úshin keıinge qaldyrý múmkindigi berildi. Qazir 14 myńnan astam avtokólik ýaqytsha tirkeýge alyndy», - dep túsindirdi komıtet tóraǵasy.
Sonymen qatar EAEO aýmaǵynan tys úshinshi elderden, ásirese Grýzııadan ákelingen jáne kedendik tazartýdan ótpegen shamamen 15 myń avtokólik bar.
«Olardyń barlyǵy eski jáne ekologııalyq talaptarǵa sáıkes kelmegendikten, kedende rásimdelmegendikten Úkimet zańdastyrý sheńberinde olardyń ekologııalyq talaptarǵa sáıkestigin rastaýdy qajet etpeıtin arnaıy erejelerdi bekitti. ıAǵnı, 2022 jyldyń 1 qyrkúıegine deıin ákelingen, qylmystyq máselelerden basqa avtomobıl problemalary tolyq kólemde sheshildi», - dedi Qaısar Sultanbaev.
Tsıfrlyq sheshimder jol apaty sanyn azaıtty
Kólikti zańdastyrý sheńberinde Іshki ister mınıstrligi az ýaqytta azamattarǵa yńǵaıly bolý úshin, sybaılas jemqorlyq syn-qaterin azaıtý úshin aqparattyq júıeler ázirledi. Bul tsıfrlyq jańartýlar egov portaly men ekinshi deńgeıli bankterdiń mobıldi qosymshalarynda kórsetildi.
«Bul sheshimder arnaıy HQO-da halyqtyń kóp jınalmaýyna múmkindik berdi. Osy oraıda ótken jyly tsıfrlyq sheshimderdi qoldaný nátıjesinde qalalardaǵy jol kólik oqıǵalaryn da, qaza tapqandar sanyn da tómendetýge qol jetkizip otyrmyz. Sonymen qatar, jaıaý júrginshilerdiń de qaza tabýyn 11 paıyzǵa deıin tómendegenin atap ótkim keledi. Bıyl apattylyqtyń barlyq kórsetkishteri turaqty tómendep keledi. Sońǵy málimet boıynsha jol apattary sany 15 paıyzǵa deıin, jolda qaza tapqan jáne jaraqat alǵandar sany – 14 paıyzǵa deıin tómendep otyr. ıAǵnı, osy jumystar arqasynda elimizde 2 myńǵa jýyq azamat aman qaldy», - dedi Qaısar Sultanbaev.
2022 jyldyń 1 qyrkúıeginen keıingi kólikter zańdastyryla ma
«Taldaý jumystary júrgizilip, 2022 jyldyń 1 qyrkúıeginen keıin ákelingen shamamen 124 myń avtokólik anyqtaldy. Qazirgi kezde Qazaqstannan tys elderden ákelingen 95 myń kólik zań talabyna saı kedendik rásimdeýden ótip, ýtıl alymy men bastapqy tirkeý alymyn tólep, tirkeýge qoıyldy. Al keı azamattar zańǵa baǵynbaı, alymdardy tólemeı, osy avtokólikti zańdastyrý sheńberinde tirkep berýdi talap etip otyr», - dedi Q. Sultanbaev.
Zańdastyrylmaǵan kólik júrgizýshileri qandaı jaýapqa tartylady
«Biz zańdastyrýdyń 2023 jyldyń 1 shildesine deıin jalǵasatynyn jarııaladyq. Kim zańdastyrýǵa úlgermedi, ótinim berińizder, 2023 jyldyń 1 shildesine deıin kelip túsken barlyq ótinimderdi qarastyramyz. Ázirge 15 myńǵa jýyq kólikti ýaqytsha tirkeýge aldyq. Ótinim berip úlgermegenderdi de qarastyramyz jáne ári qaraı tirkeımiz», - dedi Q. Sultanbaev Ortalyq kommýnıkatsııalar qyzmetinde.
Sonymen birge, spıker 2023 jyldan keıin ákelingen jáne saqtandyrý merzimi bitken, esh tirkeýsiz kólik minip júrgenderdiń bul kólikti basqarýǵa quqyǵy joq ekenin aıtty.
«Ákimshilik kodeks boıynsha olarǵa alǵashynda 10 AEK kóleminde aıyppul salynady. Biz qazir osyndaı aldyn alý jumystaryn júrgizip jatyrmyz. Ekinshi ret – ákimshilik hattama jasalyp, kólik aıyp turaǵyna qoıylady. Qazirgi ýaqytta saqtandyrýsyz, saqtandyrý polısinsiz, tehnıkalyq baıqaýsyz júrgen 2 myńnan astam kólik ıelerin anyqtadyq jáne olar ákimshilik jaýapqa tartyldy. Qazir 1,7 myńǵa jýyq kólik aıyp turaǵyna qoıyldy», - dedi Qaısar Sultanbaev.