Qazaqstanda 22 jyl izdeýde bolǵan aqmolalyq Reseıde ustaldy
Aqmola oblystyq Polıtsııa departamenti baspasóz qyzmetiniń málimetinshe, 2000 jyly, sol kezde 35 jasta bolǵan Şýche qalasynyń turǵyny Reseı azamatymen birge asa iri kólemde esirtki zatyn satý maqsatynda zańsyz satyp alý, saqtaý jáne tasymaldaý týraly aldyn-ala sóz baılasady. Sol jyldyń 29 naýryzynda reseılik áıel Ekaterınbýrgten Şýche qalasyna kelip, aqmolalyqtan 6 kg jýyq keptirilgen marıhýana esirtki zatyn satyp alady. Alaıda, kelesi kúni Kókshetaý stantsııasyndaǵy Іshki ister jelilik bóliminiń qyzmetkerleri áıeldi poıyzben ketpekshi bolǵan kezinde ustaıdy
«Osyǵan baılanysty Qylmystyq kodekstiń sol kezdegi 259-baby 4-bóligi boıynsha qylmystyq is qozǵaldy. Jaýap alý barysynda áıel esirtki zatyn satýshy týraly da aıtty. Alaıda, áıeldiń sybaılasynyń turǵylyqty jerine polıtsııa qyzmetkerleri ol izin sýytyp úlgeredi. Er adamǵa qatysty izdeý sharalary qolǵa alynady. Nátıjesinde 22 jyl ótken soń er adam bıylǵy jyldyń 11 tamyzynda Reseıdiń Sýrgýt qalasynda jedel-izdestirý is-sharalaryn júrgizý barysynda ustaldy. Qazir onyń jasy 57-de», - dedi vedomstvodan.
Aıta ketý kerek, Aqmola oblysynda paıdaly qazbalardy zańsyz qazǵan transulttyq qylmystyq top ustalǵan bolatyn.