Qazaqstanda 208 oıyn-saýyq jáne demalys saıabaǵy bar

ASTANA. QazAqparat - 2023 jyldyń 1 qańtaryna Qazaqstanda 208 oıyn-saýyq jáne demalys saıabaǵy jumys istep turdy. Onyń 32,7 %-y memlekettik menshikte, qalǵany - jekemenshik. Oıyn-saýyq saıabaqtarynyń 19,2%-aýyldyq jerlerde ornalasqan, dep habarlaıdy QazAqparat.

Ulttyq statıstıka bıýrosynyń málimetinshe, óńirlik bóliniste demalys jáne oıyn-saýyq saıabaqtarynyń eń kóp sany Túrkistan oblysynda (27 saıabaq) Astana qalasynda (22 saıabaq), sondaı-aq Almatyda (20). Jetisý oblysynda eń az – 1 saıabaq.

«Oıyn-saýyq jáne demalys saıabaqtarynyń jalpy aýdany 184,6 myń ga quraıdy. Onda barlyǵy 3 848 oıyn-saýyq nysany bar, onyń 1465 - attraktsıondar, 1642 - oıyn avtomattary, 741-basqa túrleri», - dep jazdy vedomstvodan.

2022 jyly demalys oryndaryna 14,2 mln adam barǵan.