Qazaqstanda 2030 jylǵa qaraı sý tapshylyǵy artady – Ekologııa mınıstrligi
«Ózen aǵysynyń kópjyldyq dınamıkasy jergilikti jáne transshekaralyq aǵyndardyń kemýinen sý resýrstarynyń azaıýyn kórsetedi. 2000 jyldary ortasha kópjyldyq ózen aǵysy 120 tekshe kılometr bolsa, qazirgi ýaqytta ol shamamen 102 tekshe kılometrdi quraıdy. Bul klımattyń ózgerýine jáne antropogendik faktorlarǵa baılanysty», - dedi D. Bekmaǵambetov Ortalyq kommýnıkatsııalar qyzmetinde ótken baspasóz máslıhatynda.
Onyń aıtýynsha, 2030 jylǵa qaraı ózen aǵyny odan ári 99,4 tekshe kılometrge deıin qysqarýy boljanyp otyr.
«Qazirgi kezeńde sý resýrstarynyń tapshylyǵy 17 tekshe kılometrden asady, ol sý ekojúıeleriniń qajettilikteri esebinen májbúrli túrde jabylady. Sý resýrstarynyń azaıýynan jáne halyqtyń, ekonomıka men ekologııanyń qajettilikterine sýdy kóp paıdalanýynan Qazaqstanda 2030 jylǵa qaraı sý resýrstarynyń tapshylyǵy 23,2 tekshe kılometrge jetýi múmkin», - dedi komıtet ókili.