Qazaqstanda 2030 jylǵa deıingi quqyqtyq saıasat tujyrymdamasy ázirlendi

NUR-SULTAN. QazAqparat – 2030 jylǵa deıingi quqyqtyq saıasat tujyrymdamasynyń jobasy ázirlendi. Bul týraly halyqqa onlaın rejımde esep berý kezdesýinde Ádilet mınıstri Marat Beketaev aıtty, dep habarlaıdy QazAqparat tilshisi.

«Normashyǵarmashylyqty jetildirý boıynsha sharalar qabyldandy. Tıisti Zańǵa bıylǵy 12 naýryzda qol qoıyldy. Zań shyǵarý protsesine jańa kezeńderdi engizý, zań jobalarynyń sapasyn qamtamasyz etý jáne zań shyǵarý protsesine jurtshylyqty keńinen tartý kózdeledi», - dedi M. Beketaev.

Onyń aıtýynsha, ulttyq zańnamanyń negizgi salalaryn jetildirý aıasynda mınıstrlik memlekettik organdar jáne otandyq ǵalymdarmen birlesip 2030 jylǵa deıingi quqyqtyq saıasat tujyrymdamasynyń jobasy ázirledi.

«Tujyrymdama – Memlekettik josparlaý júıesiniń qujaty. Ol ulttyq quqyqty, quqyq qorǵaý jáne sot júıesin, syrtqy saıası jáne syrtqy ekonomıkalyq qyzmetti, sondaı-aq quqyqtyq bilim men quqyqtyq nasıhatty damytýdyń basym baǵyttaryn aıqyndaıdy.

Quqyqtyq júıeni jetildirý jónindegi osy sharalar Qazaqstannyń odan ári ornyqty damýynyń qajetti quqyqtyq alǵysharttaryn qalaıdy dep paıymdaımyz», - dedi mınıstr.