Qazaqstanda 2030 jylǵa qaraı munaı óndirisi 100 mln tonnaǵa jetkiziledi

<p>ALMATY. KAZINFORM &ndash; Qazaqstan álemdegi eń iri munaı men gaz óndirýshi jáne eksporttaýshy elderdiń biri. Elde 2030 jylǵa qaraı munaı óndirisi 100 mln tonnaǵa jetkiziledi. Bul týraly Almatyda ótken KIOGE konferentsııasynda Energetıka mınıstri Almasadam Sátqalıev málim etti.</p>

Mınıstrdiń sózinshe, 2023 jyly Qazaqstannyń munaı óndirýi 90 mıllıon tonnaǵa jetti. Al, jyly munaı eksporty 70,5 mıllıon tonnany qurady.

«Qazirgi maqsat – 2030 jylǵa qaraı munaı óndirýdi jylyna 100 mıllıon tonnaǵa (shamamen 730 mıllıon barrel) jetkizý. Tabıǵı gaz óndirýge keletin bolsaq, 2023 jyly bul kórsetkish 59,1 mıllıard tekshe metrge jetse, 2030 jylǵa qaraı 90,7 mıllıard tekshege arttyrý kózdelip otyr», - dedi Almasadam Sátqalıev.

Buǵan deıin ol Germanııa Qazaqstannan eksporttalatyn munaı kólemin 2,5 mıllıon tonnaǵa deıin ulǵaıtý týraly ótinish jasaǵanyn aıtqan bolatyn. https://kaz.inform.kz/news/germaniya-kazakstannan-munay-eksportin-ek-ese-arttirudi-surap-otir-energetika-ministr-e33e11/

Osyǵan deıin Memleket basshysy Ortalyq Azııa memleketteri basshylary men Germanııa Federaldyq kantsleriniń kezdesýi barysynda Qazaqstan nemis naryǵyna munaı eksportyn arttyrýǵa ázir ekenin jetkizgen edi.