Qazaqstanda 2020 jylǵa deıin 7 myń shaqyrymǵa tarta avtojoldar aqyly bolady
«QazAvtojol» ókiliniń aıtýynsha, Astana-Býrabaı aqyly avtojoly 2013 jyl iske qosylǵan. Sol jartyjyldyqta 600 mln. teńge tússe, 2014 jyly - 1 mlrd. 200 myń teńge, al 2015 jyldyń basynan beri 700 mln. teńge shamasynda qarjy túsken. Qarajat joldy kútip ustaýǵa tolyq ketip, aqyly jol ózin-ózi qamtamasyz etýde.
«Aldaǵy ýaqytta biz 2020 jylǵa deıin respýblıkadaǵy 7 myń shaqyrymǵa jýyq joldardy aqyly negizge ótkizýdi josparlaımyz. Aqyly joldardyń arqasynda biz aqysyz joldardy da kútip ustaıtyn bolamyz, ıaǵnı biriniń tabysyn ekinshisine almastyrý jaǵyn oılastyrýdamyz», - dedi senatorlar saýalyna jaýap bergen Ulan Álipov.
Aıta keterligi, Senatta «Qazaqstan Respýblıkasynyń keıbir zańnamalyq aktilerine jol-kólik ınfraqurylymyn, kóliktik logıstıkany jáne avıatasymaldy damytý máseleleri boıynsha ózgerister men tolyqtyrýlar engizý týraly» zań jobasy birinshi oqylymda maquldanǵan bolatyn. Qujat boıynsha elimizdegi avtomobıl joldaryn basqarý jónindegi Ulttyq operatordyń («QazAvtoJol» UK-red.) avtomobıl joldaryn kútip-ustaýdaǵy jáne jol servısin damytýdaǵy jaýapkershiligin bekitý boıynsha qyzmetti jetildirý qarastyrylady. Sonymen qatar, Ulttyq operatorǵa qarjylandyrýdyń balama kózderin tartý jáne birtindep ózin-ózi qarjylandyrýǵa kóshý múmkindigi beriledi.
Budan bólek, Azııadan Eýropaǵa tranzıttiń kedergisiz ótýine áser etetin «Eýrazııalyq transqurlyqtyq dálizi» atty mýltımodaldy kólik dálizin qurýǵa jaǵdaılar jasalady. Munyń ózi «Nurly jol» baǵdarlamasynda qamtylyp otyr ári bul Qytaıdyń «Jibek jolynyń» ekonomıkalyq beldeýi jobasymen úılesedi.