Qazaqstanda 2020-2024 jyldarǵa ındýstrııalandyrýdyń baǵdarlamasy ázirlenip jatyr

ASTANA. QazAqparat - Qazaqstanda ındýstrııalandyrý baǵdarlamasynyń úshinshi besjyldyǵyna arnalǵan qujat ázirlendi. Bul týraly Úkimet otyrysynda QR Investıtsııalar jáne damý mınıstri Jeńis Qasymbek málim etti, dep habarlaıdy QazAqparat.

«Qazirgi ýaqytta Memleket basshysynyń tapsyrmasy boıynsha mınıstrlik jańa jahandyq tehnologııalyq trendterdi esepke ala otyryp, 2020-2024 jyldarǵa arnalǵan ındýstrıaldy-ınnovatsııalyq damý tujyrymdamasyn ázirlegenin atap ótkim keledi. Negizgi maqsat - eksportty damytý men ilgeriletýge ekpin jasaı otyryp, óńdeý ónerkásibiniń básekege qabilettiligin odan ári arttyrý», - dedi J. Qasymbek.

Osy oraıda tehnologııalar transfertine jáne óńdeý ónerkásibin tsıfrlandyrýǵa aıryqsha nazar aýdarylatyn bolady.

«Baqytjan Ábdiruly, biz Indýstrııalandyrýdyń úshinshi besjyldyǵynyń negizgi qaǵıdalary men tásildemelerin Sizdiń tóraǵalyq etýińizben Ónerkásiptik damý komıssııanyń otyrysyna shyǵarýdy usynamyz (aǵymdaǵy jylǵy qyrkúıektiń birinshi on kúndigi)», - dedi Jeńis Qasymbek.

Aıta keteıik, Qazaqstanda memlekettik baǵdarlamanyń birinshi besjyldyǵy 2010 jyly, al ekinshisi 2015 jyly bastalǵan bolatyn.