Qazaqstanda 2017 jyly ÚEU-dyń málimetter bazasy jumysyn bastaıdy
Sol ózgeristerge saı, QR Mádenıet jáne sport mınıstrliginiń janyndaǵy úkimettik emes uıymdarmen ózara is-áreket ornatý jónindegi úılestirý keńesi birqatar ýákilettikke ıe bolsa, granttar men premııalar túrinde ÚEU-lardy qarjylandyrýdyń jańa formalary tájirıbege ene bastady. Úkimettik emes uıym jumysynyń ashyqtyǵyn qamtamasyz etý úshin 2016 jyly Úkimettik emes uıymdardyń málimetter bazasy quryla bastady. Endi elimizdegi árbir kommertsııalyq emes uıymǵa qoıylatyn talap - olardyń qyzmeti osy biryńǵaı málimetter bazasyna engizilýi kerek. Bul jańalyqtar týraly, ıaǵnı, ÚEU-dyń málimetter bazasyn qurý úshin qandaı jumystar atqarylyp jatqany týraly QR Mádenıet jáne sport mınıstrligi Tilderdi damytý jáne qoǵamdyq-saıası jumystar jónindegi komıtettiń ókili Vasılıı Porýbaımeh tolyǵyraq áńgimelep bergen edi.
«Birinshiden, 2015 jyldyń 2 jeltoqsanynda «Qazaqstan Respýblıkasynyń keıbir zańnamalyq aktilerine ÚEU qyzmetiniń máseleleri boıynsha ózgerister men tolyqtyrýlar engizý týraly» QR zańy qabyldandy. Bul zań arqyly «Kommertsııalyq emes uıymdar týraly» jáne «Memlekettik áleýmettik tapsyrys týraly» zańǵa, sondaı-aq «Ákimshilik quqyq buzýshylyq týraly» QR Kodeksine ózgerister engizilgen bolatyn. Atap aıtsaq, «Kommertsııalyq emes uıymdar týraly» zańnyń 41 babyna 5-pýnkt engizildi, ıaǵnı, bul pýnktke sáıkes, kommertsııalyq emes uıymdar jyl saıyn 31 naýryzǵa deıin ÚEU-men ózara is-qımyl salasyndaǵy ýákiletti organǵa óz qyzmeti týraly, sonyń ishinde, ózderiniń quryltaıshylary, múligi, qarjysynyń qalyptasý kózi men shyǵyn kózi týraly tolyq aqparat usynyp otyrýy kerek. Osylaısha, ÚEU-men ózara is-qımyl salasyndaǵy ýákiletti organ tolyq aqparatty ary qaraı ÚEU-lardyń málimetter bazasyna tapsyrady»,-dep túsindirdi V.Porýbaımeh.
«Al, ÚEU-men ózara is-qımyl salasyndaǵy ýákiletti organ kim bolady?» degen suraǵymyzǵa jaýap bere kele ol: - bul fýnktsııa óz erejesine sáıkes, QR Mádenıet jáne sport mınıstrligine júktelip otyr. Al, mınıstrlik ishinde, ÚEU-larmen ózara is-qımyl máseleleri boıynsha bizdiń komıtet jumys isteıdi,-dep jaýap berdi.
Sondaı-aq, mamannyń aıtýynsha, joǵarydaǵy ózgeristerge sáıkes, «Memlekettik áleýmettik tapsyrys týraly» zań endi «Memlekettik áleýmettik tapsyrys, granttar men premııalar týraly» zań dep atalady eken.
«Taǵy bir túsindirer jaıt, Mádenıet jáne sport mınıstriniń buıryǵyna sáıkes, úkimettik emes uıymdar óziniń qyzmeti týraly aqparatty ýákiletti organǵa poshta arqyly nemese qosymsha hat arqyly jibere alady. 2016 jyldyń 31 naýryzyna deıin barlyq úkimettik emes uıymdar 2015 jylǵy qyzmeti týraly málimetterdi jiberýi kerek»,-dep túsindirdi komıtet ókili.
Eger de uıymyńyz týraly málimetti poshtamen joldaıtyn bolsańyz, hatty 31 naýryzǵa deıin jiberip qoıý kerek. Málimetter jazylǵan hat mınıstrlikke sáýir aıynda jetýi múmkin, biraq, konverttiń syrtynda hattyń naýryzda jóneltilgeni rastalatyn shtamp bolsa, bundaı qujat qabyldanady.
«Málimetter bazasy 2017 jyldan iske qosylady. Úkimettik emes uıymdar 2017 jyldan bastap ózderiniń qyzmeti týraly ózgeristi portaldaǵy jeke kabıneti arqyly qosyp otyra alady. Portaldaǵy jeke kabınetke kirý úshin Halyqqa qyzmet kórsetý ortalyǵynan elektrondy qoltańba alý jetkilikti. Jalpy, Úkimettik emes uıymdardyń málimetter bazasy ártúrli áleýmettik jobalardy júzege asyrýda ÚEU-larmen yntymaqtastyqty bir izge salý úshin óte kerekti uıym bolmaq. Eń bastysy, bul jańalyq jumys istemeıtin kommertsııalyq emes uıymdardy joıýǵa múmkindik beredi»,-dep túıindedi sózin Vasılıı Porýbaımeh.