Qazaqstanda 2017 jylǵy alǵashqy alty aıda ınflıatsııa 3,7% qurady
Maýsym aıyndaǵy ınflıatsııa 0,4% bolǵan.
Al, azyq-túlik taýarlarynyń aǵymdaǵy jylǵy baǵasy alty aıda (2016j. jeltoqsan men 2017j. maýsym aralyǵy) 5,1%, azyq-túlik emes taýarlaryna - 3%, aqyly qyzmetterge - 2,8%-ǵa ósti.
Aǵymdaǵy jyldyń basynan (2016j. jeltoqsan men 2017j. maýsym aralyǵy) kartop baǵasy 77,3%, jańadan jınalǵan kókónister - 15,6%, qoı eti - 10,7%, sıyr eti - 9%, jańadan jınalǵan jemister - 7,9%, konservilengen sút - 6,4%, sary maı - 5,6%, jylqy eti - 4,6%, kondıterlik ónimder - 4,3%, máıekti irimshik - 3,8%-ǵa ósken. Al qııardyń baǵasy 58,7%, qyzanaq - 28,7%, jumyrtqa -27%, qaraqumyq jarmasy - 13,4%, kúnbaǵys maıy - 6,6%, qant - 1,8%-ǵa arzandaǵan.
Avtomobılder baǵasynyń ósimi 4,7%, shyny jáne qyshtan jasalǵan ónimder - 4,6%, toqyma buıymdary - 3,4%-ǵa, jeke qoldanatyn taýarlar, turmystyq aspaptar - 2,9%, farmatsevtıkalyq ónimder, gazetter, kitaptar jáne keńse taýarlary - 2,8%, jıhaz jáne úıge qajetti zattar - 2,5%, jýǵysh jáne tazalaǵysh quraldar 2,4% qymbattaǵan. Dızel otyny 6,6%, ballondaǵy suıytylǵan gaz - 5,8%, benzın - 5,4%-ǵa qymbattady.
Turǵyn úı-kommýnaldyq qyzmetter salasynda tarıfter kárizge 7,4%, ortalyqtan jylytýǵa - 7,3%, taratý jelileri arqyly tasymaldanatyn gazǵa - 4,2%, ystyq sýǵa - 3,8%, turǵyn úıdi kútip ustaýǵa - 3,5%, elektr energııasyna - 3,2%, sýyq sýǵa - 2,4%-ǵa joǵarylady.