Qazaqstanda 2015 jyly 4,4 myńnan astam múgedek «JQJK 2020» baǵdarlamasyna qatysty
Vedomstvonyń málimetinshe, «JQJK 2020» baǵdarlamasynyń birinshi baǵyty aıasynda (ınfraqurylymdy jáne turǵyn úı-kommýnaldyq sharýashylyǵyn damytý arqyly jumyspen qamtýdy qamtamasyz etý) 2015 qurylǵan jumys oryndaryna 154 múgedek adam ornalastyryldy.
Ekinshi baǵyt boıynsha (kásipkerlikti damytý arqyly jumys oryndaryn qurý jáne tirek aýyldaryn damytý) 348 múmkindigi shekteýli adam kásipkerlik negizderine oqytýdan ótip, mıkrokredıt aldy, onyń ishinde 199 adam alǵash ret óz isterin ashyp, kásipker boldy.
«JQJK 2020» baǵdarlamasynyń úshinshi baǵyty boıynsha (jumys berýshiniń qajettiligi sheńberinde oqytý jáne qonys aýdarý arqyly jumysqa ornalasýǵa járdemdesý) kásibı oqýmen 200 azamat qamtamasyz etilip, onyń 144-i jumysqa ornalastyryldy. Sondaı-aq, 2015 jyly úshinshi baǵyt boıynsha ekonomıkalyq ósim ortalyqtaryna 36 múgedek adam otbasylarymen kóshirildi. Áleýmettik jumys oryndaryna jáne jastar praktıkasynyń aıasynda 865 múgedek jumysqa ornalastyryldy.
Sonymen birge, 2 myń 859 múgedek adam memlekettiń qoldaý sharalarynsyz bos oryndar bazasyndaǵy jumys oryndaryna jumysqa ornalastyryldy.
Jalpy, 2015 jyly 4,4 myńnan astam múmkindigi shekteýli azamat «Jumyspen qamtý 2020 jol kartasy» baǵdarlamasy arqyly jumysqa ornalasty.
Esterińizge sala keteıik, 2015 jylǵy 24 qarashada Elbasy múgedekterge arnalǵan jumys oryndary kvotasyn uıymnyń jalpy jumysshylar sanynan 2-den 4%-ǵa deıingi mólsherde belgileý normalary engizilgen «Keıbir zańnamalyq aktilerge halyqtyń kóshi-qony jáne jumyspen qamtylýy máseleleri boıynsha ózgerister men tolyqtyrýlar engizý týraly» QR Zańyna qol qoıdy.
Bul rette múgedekterdi jumysqa ornalastyrý maqsatynda jumys berýshiler shyǵyndaryn respýblıkalyq bıýdjet esebinen sýbsıdııalaý arqyly tıisti jabdyqtalǵan jumys oryndary qurylatyn bolady.