Qazaqstanda 1900-den astam úı apatty jaǵdaıda tur

ASTANA. QazAqparat - Byltyr Qazaqstannyń turǵyn úı qorynyń jalpy aýdany 405,15 mln m2 deıin ósti, onyń 263,9 mln m2 qalalyq, 141,2 mln m2 aýyldyq jerlerde ornalasqan, dep habarlaıdy QazAqparat.

Ulttyq statıstıka bıýrosynyń málimetinshe, bes jyl ishinde turǵyn úı qorynyń jalpy aýdany 48,8 mln m2 nemese 13,6% ulǵaıdy (2018 jyly 356.4 mln m2).

«Qalalyq turǵyn úı qorynyń aýdany boıynsha Almaty (52,2 mln m2), Astana (31 mln m2) jáne Shymkent (21,6 mln m2) qalalary kósh bastap tur. Aýyldyq jerlerge keletin bolsaq, munda eń kóp turǵyn úı Túrkistan (25,4 mln m2) men Almaty (21,8 mln m2) oblystarynda ornalasqan.2022 jyly turǵyn úılerdiń sany 2,4 mln birlikti qurady, onyń ishinde qalada 1 mln birlikten astam, aýylda – 1,4 mln birlik. Jalpy sannan 2,1 mln birlik – jeke úıler, 311,5 myńy – kóppáterli úıler», - dep jazdy vedomstvodan.

Qazaqstanda 1900-den astam úı apatty jaǵdaıda tur, onda 29,4 myń adam turady. Mundaı turǵyn úılerdiń kópshiligi Atyraý oblysynda (379 úı) ornalasqan, eń azy – Qostanaı oblysynda (5 úı).

Bir adamǵa shaqqandaǵy jalpy aýmaqtyń ortasha mólsheri aýyldyq jerlerge qaraǵanda qalada joǵary. Máselen, 2022 jyly bir turǵynǵa shaqqandaǵy turǵyn úımen qamtamasyz etý kórsetkishi 23,4 m2 qurady, onyń ishinde qalalyq jerde 25,8 m2, aýyldyq jerde – 19,8 m2.

Eń joǵary kórsetkish Astanada – 1 turǵynǵa 30,5 m2, Almatyda – 29,1 m2 jáne Mańǵystaý oblysynda – 27,8 m2. 1 adamǵa shaqqandaǵy turǵyn úı aýmaǵynyń eń az alańy Jambyl – 18,1 m2 jáne Jetisý – 18,9 m2. Bes jyl ishinde bir turǵyndy turǵyn úımen qamtamasyz etý kórsetkish 1,5 m2-ge ulǵaıǵan.