Qazaqstanda 17-19 maýsym aralyǵynda kún kúrkirep, jańbyr jaýady

ASTANA. QazAqparat – «Qazgıdromet» RMK-sy 2023 jyldyń 17-19 maýsymyna arnalǵan Qazaqstan boıynsha aýa raıy boljamyn jarııalady, dep habarlaıdy QazAqparat.

«Aldaǵy demalys kúnderi Qazaqstan aýmaǵy Ońtústik tsıklony men soǵan baılanysty atmosferalyq shepterdiń yqpalynda bolady. Eldiń kóp bóliginde kún kúrkirep, ótkinshi jaýyn jaýady, jel soǵyp, burshaq jaýýy múmkin. 18 maýsymda batysta, 18-19 maýsym kúni soltústik-batysta nóser jańbyr jaýady, Qazaqstannyń ońtústiginde shańdy daýyl soǵady. Tek respýblıkanyń eń shyǵystaǵy bóliginde ǵana jaýyn-shashyn bolmaıdy», - delingen sınoptıkterdiń boljamynda.

Qazgıdromet málimeti boıynsha, kúndizgi aýa temperatýrasy batysta +20+28 gradýsqa, soltústik-batysta +13+26, soltústikte +17+27 gradýsqa tómendeýi, respýblıkanyń soltústik-shyǵysy, shyǵysy men ortalyǵynda +30+37 gradýsqa deıin joǵarylaýy múmkin. Al ońtústik óńirlerde temperatýra aıtarlyqtaı ózgermeıdi.