Qazaqstanda 16 myńnan astam sheteldik júmys istep júr

NUR-SULTAN. QazAqparat - 1 qarashadaǵy jaǵdaı boıynsha 16 059 sheteldik azamat jergilikti atqarýshy organdardyń ruqsatymen Qazaqstan aýmaǵynda eńbek etýde, dep habarlaıdy QazAqparat Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap.

«Sheteldik jumys kúshin tartýǵa berilgen ruqsattardyń ishinde mynadaı sanattar bar: birinshi sanat – 647 (basshy jáne olardyń orynbasarlary), ekinshi sanat – 3 222 (qurylymdyq bólimshe basshylary). Jumys kúshiniń negizgi bóligi úshinshi (mamandar) jáne tórtinshi (bilikti jumysshylar) sanattarǵa jatady – tıisinshe 7 746 adam jáne 718 adam. Sondaı-aq maýsymdyq jumysqa – 1 769 adam, al korporatıvtik aýystyrý sheńberinde – 1 957 adam tartylǵan», delingen mınıstrliktiń málimetinde.

Vedomstvonyń habarlaýynsha, qazirgi ýaqytta Qazaqstanda sheteldikterdi jumysqa tartqan 1 739 jumys berýshi bar. Olarda shamamen 458 myńnan astam Qazaqstan azamaty jumys isteıdi, bul jalpy jumysshy sanynyń 97%-y.

«Eńbekshi mıgranttar shyǵatyn negizgi elder kelesi: Qytaı – 4 068 adam, Túrkııa – 2 069 adam, Ózbekstan – 1 782 adam, Úndistan – 1 212 adam, Ulybrıtanııa – 1 047 adam», delingen habarlamada.

Eske sala keteıik, ishki eńbek naryǵyn qorǵaý maqsatynda, Eńbek jáne halyqty áleýmettik qorǵaý mınıstrligi jyl saıyn elimizge sheteldik mamandardy tartýǵa arnalǵan kvota belgileıdi. 2021 jyly kvota mólsheri jumys kúshine shaqqanda 29,3 myń adam nemese 0,31%.