Qazaqstanda 150-ge jýyq mýzeı bar
Bul — ártúrli mádenıet pen halyqtar murasyn qasterlep, ony kópshilikke qoljetimdi etetin mýzeı mamandarynyń jyl saıyn toılaıtyn merekesi.
Halyqaralyq mýzeıler kúni 1978 jyly Halyqaralyq mýzeıler Keńesiniń HІІ Bas Assambleıasynyń sheshimimen jarııalandy. Jyl saıyn 150-den astam elde atap ótiledi.
Bul kúni mýzeıde ashyq esik kúni ótedi, sol kúni kelýshiler barlyq kórme men ekspozıtsııany tamashalaı alady. Qazaqstanda 150-ge jýyq mýzeı bar, onda 10 myńǵa jýyq adam eńbek etedi.
«Mýzeı – qundylyqtar mekeni» atty is-sharalar aıasynda Ulttyq mýzeıdiń ǵylymı jobalar aıasynda jaryq kórgen kitaptardyń tusaýkeseri, «Ónerge qol jetkizý» atty kartına men músin týyndylaryna kóshirme jasaýdan sheberlik synyp, «Jan bitken jádigerler» mýzeılik sabaǵy, «Keskindeme jáne grafıka» sabaǵyn ótkizý josparlanǵan. Sondaı–aq, QR Sýretshiler Odaǵynyń múshesi Rafael Slekenovtiń «Táńir nury» atty jeke kórmesiniń ashylý saltanaty ótedi.
Ulttyq mýzeıdiń habarlaýynsha, Halyqaralyq mýzeıler kúnine arnalǵan shara búgin saǵat 18.00 – de bastalady. Kirý tegin.