Qazaqstanda 150-ge tarta volonterlyq uıym bar
Igor Ovseıchık 13 jyldan beri ǵaıyptan ǵajaıyp jasaýdy ermek etip keledi. Oıyn kartasy, arqan, tıyn-teben - onyń basty kómekshileri. Sıqyrshy búgin balalar úıine kelip, búldirshinderdi erekshe álemge saıahat jasatty. Qamkóńil kórermenge qýanysh syılaýdy jany qalaıtyn azamat qyzmeti úshin aqy alǵan emes.
«Balalardy tań qaldyrý qıyn. Olar bárin biledi. Ǵalamtordan kóredi, izdenedi. Biraq ǵajaıypqa degen senimi seıilmegen. Qoshemet, yqylasy shynaıy. Men balalar úıine, aýrýhanalarǵa jıi baryp óner kórsetemin, jany jabyrqaý bóbekterdi qýantýǵa asyǵamyn. Jaqsylyq jasaýdan jalyqpaýymyz kerek dep oılaımyn», - deıdi ıllıýzıonıst Igor Ovseıchık.
Al astanalyq Aızada Júsipova - bilikti vızajıst. Qaıyrymdy jan bos ýaqytyn volonterlyqqa arnaıdy. Úsh jyldan beri ol is-túzsiz joǵalǵan azamattardy izdeýge atsalysyp júr. «Jaqyny tabylǵan jandardyń alǵysyna bólený úlken baqyt», - deıdi ol.
«Biz Qazaqstan boıynsha joǵalyp ketken azamattardy izdeımiz. Eriktiler uıymy qurylǵanyna úsh jyl boldy. Osylaı izdeý paraqshalaryn taratyp, kóshe-kósheni aralaımyz. Joǵalǵan adam týraly áleýmettik jelilerde aqparat taratamyz. Týysyńdy joǵaltý óte qıyn. Sondaı jandarǵa qarap qapalanyp qalamyn. Olardyń bizge artar úmiti zor. Senimderin aqtaýǵa tyrysamyz. Qyzmetimiz úshin aqy almaımyz, árıne», - deıdi eriktiler uıymynyń múshesi Aızada Júsipova.
Elimizde 150-ge tarta volonterlyq uıym bar. 5000-daı ÚEU eriktilerdiń kómegimen túrli áleýmettik jobalardy júzege asyrǵan. Búginde BUU-men ekijaqty baılanys ornaǵan. Qazir qazaqstandyq eriktiler túrli bastamalardyń júzege asýyna óz úlesterin qosýda. Al Elbasynyń salaǵa zor kóńil bólýi jastardy jigerlendiredi, ári jaýapkershilik júkteıdi.
«Meniń oıymsha, ol jaqsy motıvatsııa. Qandaı da bolsyn motıvatsııa qajetti. Damý ýaqytynda qarjy jaǵynan, psıhologııalyq jaǵynan kómek bolady. Jastarda ne úshin bulaı bolyp jatyr degen oı týady dep oılaımyn», - deıdi BUU Damý baǵdarlamasynyń genderlik saıasat boıynsha mamany Aqmaral Sman.
Eske salsaq, jastar jylynyń ashylýynda Elbasy volonter stýdentterdiń shákirtaqysyn ósirýdi tapsyrǵan bolatyn.