Qazaqstanda 14 jeltoqsannan bastap aımaqtar karantınge jabylady degen aqparat - feık
14:09, 10 Jeltoqsan 2020
NUR-SULTAN. QazAqparat - Qazaqstandyqtar messendjerlerde el aımaqtarynda 14 jeltoqsannan bastap karantın engizilip, blokbeketter qoıylatyny týraly jalǵan aqparat taraýda, dep habarlaıdy stopfake.kz.
«Habarlama QR premer-mınıstriniń atynan oblys ákimderine joldanǵan qujattyń fotosýreti túrinde usynylǵan. Bul – feık» dep jazady saıt.
QR Premer-Mınıstriniń baspasóz qyzmeti bul aqparatty resmı túrde joqqa shyǵardy:
«Bul habarlama shyndyqqa janaspaıdy, qujattyń fotosýreti – feık. Qazaqstannyń aımaqtary men qalalarynda blokbeketter ornatyp, 14 jeltoqsannan bastap qozǵalysty shekteı otyryp, qatań lokdaýn engizý josparda joq. Qazaqstandyqtardy resmı derekkózderden alynǵan aqparatqa ǵana senýge shaqyramyz» delingen baspasóz qyzmetiniń habarlamasynda.