Qazaqstanda 14 myńǵa jýyq shetel azamaty jumys isteıdi
Shetel jumys kúshin (ShJK) tartýǵa ruqsattyń arasynda mynadaı sanattar bar: basshylar men olardyń orynbasarlary úshin 568 ruqsat (birinshi sanat), qurylymdyq bólimshelerdiń basshylary úshin 3 017 ruqsat (ekinshi sanat).
Tartylǵan ShJK negizgi bóligi úshinshi (mamandar) jáne tórtinshi (bilikti jumysshylar) sanattarǵa jatady – tıisinshe olar 7 436 jáne 810 adam.
Sondaı-aq maýsymdyq jumystarǵa 564 adam, al korporatıvtik aýystyrý aıasynda 1 556 adam tartyldy.
Qazirgi ýaqytta Qazaqstanda ShJK paıdalanatyn 1 679 jumys berýshi bar. Olarda 384 myńnan astam Qazaqstan azamaty jumys isteıdi, bul qyzmetkerlerdiń jalpy sanynyń 97% - y.
Ekonomıkalyq qyzmet túrleri boıynsha eń kóp jumys isteıtinder qurylys salasynda – 5 780 adam (42%); taý-ken ónerkásibi jáne karer qazý – 1 476 adam (11%); kásibı, ǵylymı jáne tehnıkalyq qyzmet – 1 057 adam (8%); óńdeý ónerkásibi – 953 adam (7%); aýyl, orman jáne balyq sharýashylyǵy – 547 adam (4%).
Eńbek mıgranttary keletin negizgi elder: Qytaı – 3 518 adam, Úndistan – 1 645 adam, Túrkııa – 1 577 adam, Ulybrıtanııa – 1 091 adam, Ózbekstan – 693 adam.
Esterińizge sala keteıik, ishki eńbek naryǵyn qorǵaý maqsatynda QR Eńbek jáne halyqty áleýmettik qorǵaý mınıstrligi jyl saıyn respýblıkaǵa sheteldik mamandardy tartýǵa kvota belgileıdi jáne bóledi.
Bıylǵy qańtar aıynda Eńbekmıni ShJK tartý kvotasyn buryn josparlanǵan 28 352 birlikten 21 097 birlikke deıin, ıaǵnı 7 255 birlikke (25%) qysqartty.
Osy jyldyń jeltoqsanynda kvota qosymsha 997 birlikke qysqartylyp, jalpy sany 20 100-di qurady.