Qazaqstanda 11 jumys toby saıası qýǵyn-súrgin qurbandaryn aqtaýmen aınalysady
Jıynda 2021 jylǵa arnalǵan jumys jospary pysyqtaldy.
Qalalyq komıssııanyń tóraǵasy Erjan Babaqumarov QR Prezıdenti Qasym-Jomart Toqaevtyń 2020 jyldyń 24 qarashasyndaǵy «Saıası qýǵyn-súrgin qurbandaryn tolyq aqtaý jónindegi memlekettik komıssııa týraly» Jarlyǵyna sáıkes komıssııa jumysy keńestik kezeńdegi saıası qýǵyn-súrgin qurbandarynyń barlyq sanattaryna qatysty tarıhı ádildikti qalpyna keltirýdi kózdeıtinin atap ótti.
Qalalyq komıssııanyń quramyna tanymal tarıhshylar, ǵylymı ınstıtýttar men qoǵamdyq uıymdardyń ókilderi engen.
«Bul komıssııanyń jumysyn durys júrgizý úshin ádisnamalyq komıssııa quryldy. Nur-Sultan qalasynda ortalyq keńse ashyldy. Bir apta buryn Almatyda osy keńseniń ókildigi ashyldy, onyń bazasynda bizdiń qalamyzda ornalasqan segiz jumys tobynyń ókilderi jınalyp, pikir almasty. Bul úrdis aldaǵy ýaqytta da jalǵasyn tabady. Memlekettik komıssııa tóraǵasynyń buıryǵymen qazirgi ýaqytta respýblıkada on bir jumys toby jumys isteıdi. Sonymen qatar, ár oblys ortalyǵynda jumys toptary bar», - dedi Sh. Ýálıhanov atyndaǵy Tarıh jáne etnologııa ınstıtýtynyń dırektory, tarıh ǵylymdarynyń doktory, professor Zııabek Qabyldınov.
Jıynǵa sondaı-aq, tarıh ǵylymdarynyń doktory, professor, Ulttyq ǵylym akademııasynyń akademıgi Hangeldi Ábjanov, saıası qýǵyn-súrginge ushyraǵan qazaqstandyq ıntellıgentsııanyń murasyn zertteıtin «Arys» qorynyń tóraǵasy Ǵarıfolla Ánes, Abaı atyndaǵy Qazaq ulttyq pedagogıkalyq ýnıversıtetiniń kafedra meńgerýshisi, t. ǵ. d. Baýyrjan Janǵutdınov, QR Prezıdenti muraǵaty dırektorynyń orynbasary Qaırat Álimǵazınov, ortalyq memlekettik muraǵat dırektorynyń orynbasary Márzııa Jylysbaeva, Almaty qalasy memlekettik muraǵatynyń dırektory Abzal Botanov qatysty.
Aıta keteıik, Qazaqstanda saıası qýǵyn-súrgin jáne asharshylyq qurbandaryn eske alý kúni jyl saıyn 31 mamyrda atap ótiledi.